Dalgo más que les Foces del Pendón 2 (¿Nun prestaría más esti percorrríu?)
near Buyeres, Asturias (España)
Viewed 1453 times, downloaded 26 times
Trail photos
Itinerary description
Al mio modestu mou de ver pémeque añadiedo-y poco más de un km al percorrríu habitual auméntase l'interés y la guapura d'esta emblemática ruta del conceyu de Nava. Amás seguiría siendo, como hasta agora, apropiada pa toles edaes con un mínimu de preparación.
Pémeque foi una llástima nun aprovechar la lloable llimpieza y señalización que se fexo de recién pa ufiertar esta alternativa.
Namái qu'hai dos pequeñes torgues: La portiella'l palaciu la Ferrería con un pasu mui estrechu y tres o cuatro metros de camín onde suel haber barru nel guapu robléu pel qu'hai que pasar pa llegar a la pista.
Al ser circular pue entamase a caminar en direicción a Los Fornos y acabar pela Ferrería y viceversa.
Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu
(Anque toes son de la ruta, munches de les semeyes nun se correspuenden colos llugares de los waypoints).
Waypoints
La Ferrrería
Palaciu La Ferrería. L'únicu inconveniente ye'l pasu estrechu pel llau derechu de la portiella que suel tar zarrada.
Pista
Dempués de pasar pela guapa viesquina, salida del camín a la pista que sube al Mayáu Pastor.
Mayáu Pastor
Equí acaba la pista. Siguimos casi de frente pel camín hasta'l colláu La Canal pa entamar la baxada a les foces. Pela derecha sería fácil dir a Les Praeres y/o subir a la Varallonga.
Colláu
Dende equí hai bones vistes hacia'l sur: Breza y el Trigueru; al este: Casielles y picu Múa; al norte parte del conceyu de Nava y Cabranes. Antes d'entamar la baxada merez la pena siguir unos metros de frente pente la maleza. Hai un pocu más d'altura y ye meyor miradoriu a los cuatro puntos cardinales.
You can add a comment or review this trail
Comments