De la Senda l’Osu a Banduxu pela Foz de Valmoru baxando per Bustiel.lu.

Carretera A-228 P:K. 21 - Foz de Valmoru - Banduxu Barriu La Molina - Barriu`l Palaciu (Torrexón, ilesia, casona,...) - Barriu'l Toral - Folgueras - Praos d'Eiros - Mayáu Beloseiros - Camín a Bustiel.lu - Bustiel.lu - Carreterina a sienda l'Osu - En Las Ventas, sin entrar nel pueblu esviase a la izquierda pela sienda l'Osu - P. K. 21 de AS-228.

El percorríu entama nel p.k. 21 de la carretera Teberga casi enfrente a una parada d’autobús que llama daqué l’atención porque cerca nun hai nengún núcleu de población. Per una ponte, ensin barandielles pero bastante anchu pa pasar sin mieu, aportamos a la Sienda l’Osu. Caminamos unos metros a mandrecha y atopamos una señal que pon Bandujo Pueblo Medieval.
Anque solo fuera pel vieyu camín de la foz de Valmoru pagaría la pena facer esti paséu.
¿Qué dicir del pueblu Banduxu? Más d’una hora patiando y faciendo semeyes pelos sos barrios.
Cola intención de tener otra perspeutiva del pueblu caminamos unos metros pela pista qu’en direición noroeste va hacia Cuellagar. Merez la pena facer esti pequeñu esvíu y poder gociar y retratar los barrios dende esti llugar.
Tendremos ocasión de facer lo mesmo cuando sigamos hacia Bustiel.lu subiendo hacia los praos d’Eiros en direición suroeste.
Cualquier requexu d’esti guapu pueblu de Proaza o los sos alredores faen que los nuesos güeyos gocien a esgaya.
El restu’l percorríu, sin ser tan espectacular, también tien interés. Sobre tou hasta’l casi desahabitáu pueblu de Bustiel.lu.
Quiciabes resulten daqué pesaos los casi tres kilómetros de carreterina qu’hai dende Bustiel.lu hasta la Senda l’Osu. (Nun vimos nengún coche en tol trechu.)

Dalgunes semeyes nun correspuenden col waypoint.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.