Esteiro do Miño e Monte Trega

Ruta a pé semiurbana pola desembocadura do río Miño e os camiños do Trega no concello da Guarda. Trátase dun percorrido circular con dúas partes moi diferenciadas: unha primeira moi chaira, acariñada polo Esteiro do Miño e o océano Atlántico, para despois encamiñarse ao cumio do Monte Trega, un lugar onde gozar da historia e dunha marabillosa panorámica desta zona fronteiriza de Galicia e Portugal.

Ruta realizada en agosto do 2021. Pode facerse en calqueira época do ano aínda que no verán poderás gozar dun agradable baño en augas atlánticas ao rematar a actividade.

CRÓNICA
O aparcamento das praias da Armona e da Lamiña, en Camposancos, é un punto ideal para comezar a ruta xa que nos permite estacionar sen problema e, no verán, ofrécenos a posibilidade dun refrescante baño ao rematar a actividade. Aínda que durante a primeira parte do noso percorrido seguiremos o PRG-160, no inicio obviaremos as súas pegadas para avanzar polos sendeiros e pasarelas de madeira máis costeiras. Deste xeito, descubriremos a praia do Muíño e o Piñeiral Castrexo, un bosque de piñeiros pintados con motivos gráficos dos petróglifos do Monte Trega.

Dende alí, avanzaremos a rente ao mar por unha zona de salinas ata o peirao da Guarda, abandonando a desembocadura do río Miño e seguindo a costa atlántica cara o norte. Despois dun pequeno percorrido pola vila enfrontarémonos á única subida da ruta ao ascender dende o nivel do mar ata os 341 metros do Pico de San Francisco.

No Monte Trega desfrutaremos dun conxunto arqueolóxico, relixioso e paisaxístico único no país. A citania de Santa Trega ofrécenos un dos exemplos máis importantes da cultura castrexa e romana de Galicia, mentres que dende o Pico do Facho e San Francisco albiscaremos o Esteiro do Miño, o illote da Ínsua e a costa portuguesa, o val do Rosal, o porto e o centro urbano da Guarda.

Pecharemos a ruta circular baixando cara Camposancos polos Camiños do Trega (PRG-122), un descenso rápido e sinxelo a través dun bosque inzado, desgraciadamente, de acacia negra e eucalipto que remata á beira do Miño. É recomendable

*Esta proposta aproveita, en boa parte do seu percorrido, tanto o PRG-160 Desembocadura do Miño coma o PRG-122 Camiños do Trega.