Donostia-Agiti-Kukuarri-Orio
near Arriola, País Vasco (España)
Viewed 190 times, downloaded 10 times
Trail photos
Itinerary description
Ibilbidea Igeldoko errepidean Pensión Tximistarri kartela jartzen duen lekuan hasi dut. Bertan Igeldoko autobusaren geltokia dago. Errepide nagusia utzi eta beherantz jo dut. Itsasorantz jaisten den errepidean aurrera eginez laster mendi-bidea topatuko dugu. Halako batean itsasoraino jaisten den xenda bat topatuko dugu. Tarte hori deserosoa da baina ederra; zorua bustia badago arretaz ibili beharreko ingurua. Perus jatetxe abandonatutatik pasatzen da ibilbidea. Gero sasiak eta oteak jandako eremu batean barrena doa ibilbidea eta, hemen ere, deseroso samar egiten da aurrera egitea. Mapan Egiluze bezala markatua dagoen etxera iritsiko gara eta, hortik, Santiago bidearekin bat egingo dugu. Hortik marka horiak edo zuri gorriak jarraitzea besterik ez dugu. Baserri horretan egurrezko kartel xixtrin bat dago "Orio" markatzen duena. Bertan zegoen gizon bati galdetuta bidea badagoela esan dit. Beste baterako. Errepide nagusira iritsitakoan, hura utzita, Kukuarrira joko dugu. Tontorretik itsasoari begira beherantz egingo dugu zuzen-zuzenean (ikurrina bat dago une honetan). Isaspe nekazak-turismo etxetiaren aldamenetik pasa ondoren Orioko hondartzara iritsiko gara. Ibilbidea zaila bezala sailkatu dut. Gazte batentzat ez dauka inolako zailtasunik baina belaun-gerrietan arazotxoak ditugunontzat beste kontu bat da.
Waypoints
Intersection
252 ft
Eskuin eta beherantz
Aurrera jarraitu dut bide zabalenetik baina berehala itxita dago. Ezin da jarraitu
You can add a comment or review this trail
Comments