Donostiako itzulia (2. etapa)

Ibilbide zirkularra da, eta hiriaren periferia oinez edo mendiko bizikletan ezagutzeko aukera ematen du. Hirigunetik abiatuta, lurralde mistoa aurkituko duzu; landa lurra eta hiri ingurua, oraindik nekazaritza ogibide duten baserri tradizionalez apaindutako landazabalak, ongi kontserbatutako portu giroa, Uliako itsaslabarretako natura oraindik ere basatiarekin kontrastea eginez..
Donostiako Itzuliaren helburua Kontxako badiaren eremu enblematikotik haraindi dagoen hiriaren inguruko paisaiaren balioa nabarmentzea eta barrualdeko hiri ingurua ezagutzeko aukera ematea da, modu osasungarrian eta ingurunea errespetatuz. Bidean, paisaia eta etnografia aldetik interesgarriak diren lekuak ezagutuko ditugu, baita donostiar gehienek ahaztuta duten hiriko ondare eta historikoa ere.
Aurrekoan 1. etapa burutu genuen eta orain hemen duzue 2. etapa.
2. etapa
Añorga Txikitik gora, Katxola baserri birgaituaren ondotik pasa eta Miramon parkean sartu gara, hiriko birika berdeetako batean. Zientzia Museoaren ondotik pasatu eta Oriamendi gainera iritsi gara. Hernanirekiko mugan barrena, Basozabaletik Urumearen ibarrera jaitsi gara eta, handik, Martutenera joan gara. Ibilbidearen zati honetan Urumearen goi arroa inguratzen duten mendien ingeradak ikus ditzakegu hodeiertzean. Amaitzeko, Antondegi muinora igo gara leku benetan harrigarria, industrialdeetatik gertu egon arren landa giroari eusten baitio. Eta amaitzeko 27 Poligonora jaitsi gara.
http://www.donostia.eus/MedioAmbiente/DItzulia.nsf/fwMapa?ReadForm&id=A501610&idioma=eus#

Ibilbide honen argazkiak eta beste batzuk gehiago ikusi nahi izanez gero:
http://askemikel.blogspot.com.es/2015/12/anorga-txiki.html