El Remediu y la rodiada

Otura - P.R.AS-148 El Remediu (llugar xunto a la ilesia) - La Calaverina - La Calavera - Ríu Rianes - Monte La Cuesta - La Mafosa - 600 metros dempués, a manzorga pel camín de La Peñuca, dexamos el P.R.AS-148 pa diriximos a Sariegu - La Peñuca - La Tabierna - La Nozalea - Riega l'Inguilu -P.R.AS-148 Villamartín de Riba - El Rebollal - La Foguerá - La Vega - La Casona - Calle El Sol - Ribuli- Volvemos dexar el P.R.AS-148 Fuente Llaguna - Mondín - Somondín - El Cutu - Otra vez P.R.AS-148 l'Abarcón o Los Andaluces - La Mafosa - Dexamos el P.R.AS-148 - Pasáu'l Ríu - La Raba - Otura.

Xunto a la ilesia El Remediu a la vera'l cartel del P.R. siguimos el camín con direición oeste per onde la mayoría lu suelen acabar.
Ye prestoso baxar a La Peñuca (Sariegu) per un camín qu'atraviesa una guapa viesca autóctona mayoritariamente de castañales.
Sin llegar al ríu Ñora travesamos esti barriu sareganu y, per un camín mediu perdíu, casi paralelos al Ñora pasamos per un guapu castañéu que se tresforma en pista nel llugar de La Tabiena. De siguío llegamos a La Nozalea y al camín de los Andaluces.
Baxamos unos cien metros pa garrar un camín a mandrecha y pela Riega l'Inguilu llegamos otra vez al PR 148 que siguimos hasta la carretera Llames onde lu dexamos pa dempués de kilómetru y picu volver retomalu hasta poco dempués del circuitu motocrós.
Pasamos pela fonte Llaguna , Mondín y Somondín pa retomar el PR n'El Cutu. Na Mafosa dexámoslu definitivamente p'acabar, nel mio casu n'Otura, mui cerquina la ilesia El Remediu.
Otra de les munches variantes que faen que'l senderu El Remediu nun mos aburra y recurramos a él cantidá de veces.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.