Embalses de Cornalvo y Muelas

Aparcamientu al llau de la diverxencia hacia presa romana de Cornalvo y Muelas - Presa romana - Arrodiando'l pantanu pela mandrecha - Na cola l'embalse siguir per senderu o pista (van cerca y paralelos) al Berrocal del Rugidero - Embalse de Muelas - Vuelta por senderu y pista al Berrocal del Rugidero - Dos kilómetros de pista asfaltada - Cruciar pel matu de la devesa sin cultivar hasta'l camín qu'arrodia'l pantanu - Presa romana - Aparcamientu.

Dende Mérida pela carretera o autopista a Madrid. Salida a Trujillanos. Nesti pueblu extremeñu hai una carreterina que llega cerca la presa del embalse de Cornalvo y sigue al embalse de Muelas. Onde se separen les dos carreterines hai sitiu p'aparcar. (Anque sin asfaltar y con baches abondo, si se quier, llégase en coche a la presa). Pémeque nun paga la pena.
El paséu ye bien guapu caminando pente encines, carbayos corcheros y teniendo casi siempre a la vista'l pantanu.
Dende'l Berrocal del Rugidero al embalse de Muelas hai un guapu senderu pente bloques de granitu arredondiaos pola erosión, charques y pequeños tabayones.
La vuelta al Berrocal ye parte per un senderu y parte pela carreterina. Dende esti guapu sitiu despisteme y tuvi que siguir pela carreterina unos dos kilómetros porque un bon zarru d'alambre nun dexaba cruciar la devesa. Sin esi despiste pue volvese pel mesmu camín hasta la cola l'embalse pa siguir arrodiándolu pela derecha hasta la presa.
Una escursión fácil y perguapa pa entamar l'añu.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.