ERDOIZTA-ITURRIOTZ (ANDARZARATE)-HERNIO-GAZUME-MENDIBELTZ-INDO-ERDOIZTA

ERDOIZTA AUZOA (ERREZIL)

San Isidro baseliza Erdoizta auzoan (Errezil) dagoen landa-inguruneko baseliza neoklasikoa da, 1808an Pedro Manuel Ugartemendiak egina. 2003ko abenduaren 17an, Eusko Jaurlaritzak monumentu izendatu zuen, Sailkatutako Kultura Ondasuna. Gipuzkoan beste ermita zirkular bat ei dago: Hernaniko Santa Barbara.

BIDEGURUTZEA

Gure lehendabiziko helburua Iturriotzetik Erniora joatea denez, basoan zehar dauden bideak (gehienak mendi pistak) erabiliko ditugu horretarako. Ibiltzeko egoera egokian daude. Adierazten dugu guzti hau, alderantziz egitea nahi izanez gero ibilbidea, Erdoizta bertatik ere har litekeelako zelaitik gora doan bidea, langa pasatu eta gero. Harrituko gaitu inguruak: basoak, goitik behera datozen errekastoak eta isiltasuna direlako nagusi.

BIDEGURUTZEA

Bidea basotik doa, errekastoak zeharkatuz. Isilik dago ingurua. Gainean Indo, Mendibeltz, Gazume gainen hegalak ere ikus daitezke. Gero gainetik pasatuko gara.

LAPURZULOKO ERREKA

Mendibeltz eta Gazumetik datozen errekastoak zeharkatuko ditugu: Legor, LapuRzulo, Urgume, Altzako erreka... Agian Lapurzuloko erreka da ikusgarriena: pagadia eta lur azpian desagertzen den ur jauzia. Ur jauzia ikustera joango gara. Gero, pistatik jarraituko dugu.

LAPURZULOKO UR JAUZIA

Ikusgarria da nola desagertzen den goitik behera datorren uremana lur azpian.

ATERPETXEA

Bitxia da aterpetxe bat inguru honetan aurkitzea. Badirudi aspalditik lagata dagoela. Pistatik jarraituko dugu.

BIDEGURUTZEA

Iturriotzetik datorren porlanezko bidearekin bat egingo dugu. Behera jarraituz gero ezaguna den Granada (Erreka) baserrira iritsiko ginateke. Hau da, Inazio Eizmendi "Basarri" jaiotako baserrira. Bertsolari, kazetaria eta euskal idazlea izan zen. XX. mendeko bertsolaritzaren ordezkari nagusienetako bat kontsideratuta dago. Hala ere gu eskumara, Iturriotzera goaz. Pista jarraitu besterik ez dugu.

ITURRIOTZ (PUTZUA)

Egokitutako aisigunean dago putzu hau.

ITURRIOTZ (ANDAZARRATE: BENTA ETA ERMITA)

Iturriotz benta zaharra baserri bakan bat da, Aian kokatua (Gipuzkoa), XVI. mende amaierakoa. Baserritik gertu San Joan Iturriotz baseliza kokatzen da, eta baita Asteasu, Aia eta Errezil herrien arteko muga. Urtero jaia eta erromeria ospatzen dira benta zaharraren inguruan San Juan Egunean eta bezperan. San Joan Bataiatzailearen baseliza edota Iturriotzeko baseliza Gipuzkoako Aia eta Errezil udalerrien arteko mugan dagoen baseliza da. Berez, Aia udalerriko Iruretaegia auzoan eta izen berdineko Iturriotz baserriaren alboan dago. Ernio mendira igotzeko ohiko abiapuntuetako bat da. Seinaleak daude. Guk bidea hartuko dugu, gora, Zelatunera; hemendik Erniora joateko.

ZELATUNERA

Seinaleak jarraitu. Bidea lasaia da, ez bada lokatza handirik.

ERNIO-ZELATUN

Dagoeneko bistan dauzkagu gure ondorengo helburuak: Zelatun eta Ernio gaina.

ZELATUN

Iraileko igande guztietan erromeria egiten da Hernioko gailurretik hurbil dagoen Zelatungo zelaian (841 m), han dauden bi txabolen inguruan. Tradizioari jarraituz, jendea antzinean zinta urdin, arrosa eta horiekin igotzen zen, eta azken hamarkadetan gorri, berde eta zuriekin, aldarrikapen kutsu handiarekin diktaduraren urteetan. Garai batean otoitz egiteko egunak ere baziren hauek, hildakoak gogoratzekoak, argizaiolak piztekoak. Hemendik antzematen da Erniora joateko bidea. Lasai hartu beharrekoa da, harria eta lokatza tartean badago batez ere.

HERNIO (1078)

Hernio izen bereko mendilerroan dagoen tontor garaiena da, Gipuzkoako erdigune geografikoan kokatua. 1.078 metroko altitudea du. Tolosaldea, Urola Erdia eta Urola Kosta eskualdeetako lurretan dago. Hernioko hainbat gurutzek kalbario bidea osatzen zuten. Gurutzea 1947an eraiki zen, San Inazio egunean. 2014ko udazkenean gehienak kendu zituzten, herritar ekimen baten bidez eta Foru Aldundiak onartuta; bat izan ezik, dirudienez. Tradizioak dioenez, kalbario-gurutze horretatik pasatzen denari erreuma sendatzen omen zaio. Beraz, gaur, hantxe dago, noiz uztaiak gorputzetik pasatuko. Gu, berriz, Zelatunera itzuliko gara.

ZELATUN

Zelatunen gaude. Azpeitira markatzen duen GRa jarraituko dugu 200 bat metrotan, gero Gazume tontorrera hartzeko.

BIDEGURUTZEA

Bidegurutze honetan Gazumera hartuko dugu.

GAZUME (1013)

Gazume gainak eskaintzen digun behatokia aparta da. Ondoren, gainez gain ibiliko gara, Mendibeltz eta Indo mendiak pasatuz.

MENDIBELTZ (963)

Mendigain aparta, zelai ederrekin, baina mendiko motoak-eta izurratzen ari direna. Goitik behera goaz.

KORTA-ZELAIAK

GR-a seinaleak jarraituko ditugu behera.

INDOTXIKI LEPOA

Indo mendi gainera goaz. Horretarako hartu zelaitik gora.

INDO GAINA (761)

Behatoki aparta. Goitik behera hasiko gara, mendiko motoek zabaldutako bidexkak jarraituz. Behean dakusagu Erdoizta auzoa; gure helmuga.

GURUTZE ZURIA (KOMIZOLATZA LEPOA)

Gurutzea dagoen inguruan hasten da goitik beherako Erdoizta auzora eramango gaituena pista. Laga GR seinaleak.

BIDEGURUTZEA ETA LANGA

Goitik beherako bidea ona da. Dagoeneko gertu dugu Erdoizta auzoa.

ERDOIZTA AUZOA (ERREZIL)