Errezil-Ernataitz-Zelatun-Odria-Errezil

26 MAR 2021 09:40

Errezildik Zelatunera igotzeko beste aukera bat duzu hau.

Udaletxe albotik abiatzen den bidea hartu behar dugu. Bertan duzu hartu behar dugun PR Gi-143: Errezil-Zestoa bidearen inguruko informazioa ematen duen panela. Beraz, hortik aurrera eta Ernataitz baserraraino, marra zuri-horiak jarraitu beharko ditugu.

Erne ibili beharko gara Errezil kale inguruko baserri guztiak hartu eta Otegitxo baserria zen parean aurkituko dugun bidegurutzea hartzeko garaian. Otegitxo baserria zegoen inguruan etxe berri bat egin dute.

Behin bidea hartutakoan, ez du galbide handiegirik Ernataitz baserriar iritsi arte. Bidea oso polita eta zabala da, ibili erraza.

Ernataitz baserria pasa eta 100 bat metrotara PR Gi-143: Errezil-Zestoa ibilbidea utziko dugu, eskuinera abiatzen den bide zabal bat hartuta.

Bide honek ez du galbide handirik 10 - Bidegurutzera iritsi arte. Hortik aurrera, momentu batean bidwa ez da hain ondo nabarmentzen eta arrastoa justu antzean ikusten da. Puntu batean zuzen joan beharko lukeela dirudien arren, ezkerretara biratzen du arrastoak eta minak dauden ingurura iristen da. Hortik Etumeta-Zelatun bide zabalera segituan sartuko gara.

Zelatunera erraztasun handiz iritsiko gara. Atsedena zerbait hartuz hartzek oaukera bikaina dugu bertan dagoen bordan.

Hortik behera jaisteko pista nagusia hartuko dugu Odria baserriraino. Odriatik behera une batez belarrezko bidea hartzen dugun arren, zati handi bat pista nagusitik egingo dugu Muskaga-Saletxe etxearen bidegurutze pareraino. Hor, eskuinera abiatzen den bide zabala hartuko dugu eta inongo zailtasun handirik gabe, Errezil herriraino iritsiko gara.