Fervenza das Brañas PR-G 166 (Toques)
near Paradela, Galicia (España)
Viewed 69 times, downloaded 1 times
Trail photos
Itinerary description
Partimos da área recreativa do río Furelos (non confundir con outra do mesmo nome que hai no veciño concello de Melide) e pillamos á esquerda, sen cruzar a ponte( por aí voltaremos) xa que nos parece máis asequible así o traxecto para logo baixar e non subir unha costa cun desnivel importante que hai ao pé da aldea de Prados.
Grazas a que levábamos uns guías excepcionais( xente da zona) poidemos ver ao pouco no río os chamados "pasos da ra" ( pedras que antes eran empregadas para cruzar o río)
Chegamos á fervenza que é espectacular, sobre todo en época de chuvias e vemos un muíño a medio restaurar ao pé da mesma.
Despois, tamén poidemos coñecer os chamados " Pasos da Rega" desviándonos da ruta uns metros. Estes pasos, fóra da ruta oficial, son unhas antigas pontes de pedras por onde no pasado cruzaban por derriba dun rego carros e xente. Están pontes ( son dúas case pegadas) están nun fermoso entorno e é unha pena que non estean sinalizadas e que o camiño que leva a elas non estea acondionado, xa que tivemos que cruzar polo prado que hai ao pé.
Pasamos despois pola Serra do Careón, de moderada altitude e dende onde temos boas vistas.
Achegámonos tamén, xa moi cerca da aldea de Prados, a ver unha pequena fonte que hai no medio dunha carballeira.
A partires da aldea de Prados, descendemos ata atopar de novo o río Furelos, cruzamos unha ponte e chegamos de novo ao punto de inicio.
Waypoints
Fervenza de Brañas.
Ao pé da fervenza vemos un muíño de titularidade privada a medio restaurar. É o "muíño da fervenza" que funcionou ata a década dos 70 do S. XX e tiña moita fama xa que viña moita xente moer a el debido a que moía o gran de xeito moi fino.
Pasos da Rega
Fóra da ruta oficial e que no noso entender deberan formar parte dela. Nós poidemos coñecer este lugar grazas aos guías de excepción que levamos, coñecedores a fondo da zona. Son unhas pontes de pedra moi antigas que cruzan un rego e sitúanse non entorno moi fermoso. Tamén o camiño que a elas leva sería precioso se estivese acondicionado.
Serra do Careón
É de moderada altitude(798m.) e cunhas características especiais de gran interese xeolóxico. É un espazo natural protexido como Lugar de Importancia Comunitaria ( LIC)
Fonte
Fonte moi rústica no medio dunha carballeira. Tamén fóra da ruta homologada.
You can add a comment or review this trail
Comments