Casariños-Fervenzas e chozos

Esta ruta foi realizada sobre o terreo o día 12 de marzo de 2019 e posteriormente limpiouse de pequenos erros para axeitala ó percorrido. Nesta época do ano todos os pasos e camiños estaban perfectamente transitables.
Aproveitamos rutas anteriores para configurar un percorrido non excesivamente longo e que pasara por os puntos máis salientables da zona.
Partimos dende a Igrexa de San Xoan de Laxe por estreitas canellas e seguimos o curso do río Parada por a ruta dos arrieiros contemplando os seus meandros acompañados por o ruxido das augas. Atravesamos de novo o río por a Ponte de Anceu e visitamos a fervenza da Feixa.
Subimos ata a carretera PO-9303. Despois de un breve treito por ela, subimos polo monte por un tramo pouco definido pero perfectamente transitable. O sendeiro pode seguirse sin novedade, aínda que este curto tramo ata chegar á pista, é o tramo máis salvaxe da ruta.
Seguimos ascendendo por camiños e pistas ata as proximidades do foxo do lobo. Nesta ocasión non nos achegamos ó foxo para non alongar demasiado a ruta. Neste tramo hai que salvar en varias ocasións unha alambrada para o gando. En dúas ocasións hai habilitado un paso e nas outras dúas pásase sen problema sen danar a alambrada.
Iniciamos os descenso por a ruta dos chozos, pasando por o Coto dos Ladróns, a Pedra de abalar e os chozos do Corral do Porto. Seguimos baixando ata a Fervenza de Casariños pasando por os Chozos de Casariños, visitamos o mirador de Laxe e a Fervenza do Coto Grande e chegamos ó punto de saída de novo por o camiño dos arrieiros e a Ponte Grande na área de lecer.
No verán a zona do monte pode resultar calurosa porque apenas hai sombra. Hai unha fonte no merendoiro das proximidades dos chozos do Corral do Porto.