Fin de semana en Fornelos de Montes

Podes empezar o fin de semana paseando polo pobo e coñecendo a praza da Igrexa e os elementos que nela están: a igrexa de San Lourenzo, o concello e O Brigadista, a estatua doada pola escola de cantería da Deputación de Pontevedra, en homenaxe a tódolos brigadistas da provincia pola súa defensa dos montes. Segues ata o peto de ánimas de San Lourenzo. Podes seguir hacia o acceso ó camposanto subindo por unha gran escalinata que intenta emular o ascenso ó ceo. Polo camiño tes para ler os puntos informativos da ruta literaria Manuel Lueiro, periodista e escritor nado en Fornelos de Montes. Despois deste recorrido, podes ir o encoro de Eiras, ó Fornelos Wake Club para descansar a carón da auga ou facer calquera dos deportes acuáticos que che propoñen. Wakeboard, inchables náuticos, pedaletas, canoas, paddle surf, son as actividades principais que realizan nas súas instalacións. Ademáis segundo a época do ano organizan eventos como rastrexos, competicións deportivas de natación, competicións deportivas de CrossFit ou ioga.

Podes quedar a durmir mesmo no albergue do Fornelos Wake Club ou nalgunha das casa de turismo rural que existen na zona (A Casa da Loba, Casa de Magina, Casa D’Agosto, Casa da Ruliña).

E para finalizar o fin de semana programa unha ruta polo Monte da Cidade (moi cerca do encoro de Eiras) ou pola Serra do Suído buscando o Foxo do Lobo.

Lémbrate de que o último fin de semana de setembro celebran na parroquia de Ventín a festa da zorza. E se pasas por aquí a finais do mes de xullo, poderás desfrutar da Festa da Chanfaina e carne do Suído e as actuacións musicais que a acompañan.