Gádor a Cerro Picacho. Gádor e Sta. Fe de Mondújar, Almería.
near Gádor, Andalucía (España)
Viewed 44 times, downloaded 2 times
Trail photos
Itinerary description
Camiñada feita seguindo este track, no que fornece o autor moita información: https://gl.wikiloc.com/rutas-sendeirismo/el-picacho-por-ruta-senderista-villa-de-gador-bajo-andarax-galeria-palomas-ramblas-de-moreno-castil-73248469
Comeza en Gádor, nun parque de estacionamento a carón dunha escola de música e danza. Atravésase a vila, dirixíndose cara o río Andarax, o cal se atravesa por unha ponte. Na parte esquerda camiñamos por medio de hortos de laranxeiras e limoeiros e poboamento disperso. Axiña temos entrado no termo municipal de Santa Fe, no que decorre grande parte da ruta. Nesta parte coincidimos co "Camiño Mozárabe de Santiago".
A certa altura da andada perto do río, deixamos a súa viciñanza para dirixirnos cara ao interior pola Rambla de Moreno. Vemos restos de casas-cova e dirixímonos cara un elemento sorprendente da ruta: a Galería, ou Cova, de las Palomas. Trátase dunha cova escavada pola auga, comunicando dúas carricovas. Non é complicado atravesala mesmo sen iluminación porque é bastante recta e chega algo de claridade á zona máis interior pero viría ben algunha lanterna (mesmo a do móbil). Subindo un lombo e baixando por unha zona a valmonte chegamos outra rambla , a Del Castillo. Por esta volvemos ao val do Andarax na aldea de La Calderona.
Comeza axiña unha pista que vai subindo cara ao Picacho. Descoñezo cal puido ser a utilidade principal buscada por esta vía, na que se investiu bastante diñeiro seguramente e non parece conducir a ningures (remata na aba do Picacho). En todo caso, é unha construción moi curiosa e que ofrece unha fermosa estampa que lembra á Grande Muralla Chinesa.
A ascensión final é bastante pina mais sen especial risco. O cume, formado por dous grande penedos, proporciona unha panorámica lonxincua de 360º extraordinariamente fermosa. Aínda podemos ir ata outra cima algo menor para contemplar outros ángulos da redonda.
Para a volta, perto do fin da pista dita, báixase ata a Rambla de Rodolfo que tamén ofrece curiosas perspectivas e conduce doadamente ata La Calderona. Aquí temos que atravesar o río por un vao, polo que en caso de levar moita auga habería que buscar outra alternativa... Nesta data non foi difícil pasar saltando de pedra en pedra pero dependerá de cada momento.
Pola dereita, practicamente na embocadura da Rambla Huéchar colleremos á nosa esquerda por un camiño entre laranxeiras e cultivos que nos devolverá ás proximidades de Gádor. Aquí estamo perto do xacemento arqueolóxico de Los Millares, cuxo acceso está na estrada A-348. Na Rambla del Ciscarejo, teremos que atravesar por un paso inferior a vía do tren e máis a estrada A CAL DEBEMOS SEGUIR aínda que resulta potencialmente perigosa porque non ten apenas berma. Xa só queda volver polas rúas da vila ao punto de inicio.
Resultou unha camiñada moi interesante, con excelentes panorámicas sobre o Deserto de Tabernas e tamén sobre a Serra de Gádor, Sante Fe de Mondújar, etc. é totalmente recomendábel.
Non é unha ruta sinalizada; empregar o GPS é máis que recomendábel. Deben seguirse as recomendacións que dita o sentido común para unha ruta de montaña en canto a equipamento e comportamento. Por suposto, levar auga e víveres. A súa mor dificultade podería ser o desnivel acumulado pero parece perfectamente asumíbel para calquera persoa afeita a camiñar por monte.
Comeza en Gádor, nun parque de estacionamento a carón dunha escola de música e danza. Atravésase a vila, dirixíndose cara o río Andarax, o cal se atravesa por unha ponte. Na parte esquerda camiñamos por medio de hortos de laranxeiras e limoeiros e poboamento disperso. Axiña temos entrado no termo municipal de Santa Fe, no que decorre grande parte da ruta. Nesta parte coincidimos co "Camiño Mozárabe de Santiago".
A certa altura da andada perto do río, deixamos a súa viciñanza para dirixirnos cara ao interior pola Rambla de Moreno. Vemos restos de casas-cova e dirixímonos cara un elemento sorprendente da ruta: a Galería, ou Cova, de las Palomas. Trátase dunha cova escavada pola auga, comunicando dúas carricovas. Non é complicado atravesala mesmo sen iluminación porque é bastante recta e chega algo de claridade á zona máis interior pero viría ben algunha lanterna (mesmo a do móbil). Subindo un lombo e baixando por unha zona a valmonte chegamos outra rambla , a Del Castillo. Por esta volvemos ao val do Andarax na aldea de La Calderona.
Comeza axiña unha pista que vai subindo cara ao Picacho. Descoñezo cal puido ser a utilidade principal buscada por esta vía, na que se investiu bastante diñeiro seguramente e non parece conducir a ningures (remata na aba do Picacho). En todo caso, é unha construción moi curiosa e que ofrece unha fermosa estampa que lembra á Grande Muralla Chinesa.
A ascensión final é bastante pina mais sen especial risco. O cume, formado por dous grande penedos, proporciona unha panorámica lonxincua de 360º extraordinariamente fermosa. Aínda podemos ir ata outra cima algo menor para contemplar outros ángulos da redonda.
Para a volta, perto do fin da pista dita, báixase ata a Rambla de Rodolfo que tamén ofrece curiosas perspectivas e conduce doadamente ata La Calderona. Aquí temos que atravesar o río por un vao, polo que en caso de levar moita auga habería que buscar outra alternativa... Nesta data non foi difícil pasar saltando de pedra en pedra pero dependerá de cada momento.
Pola dereita, practicamente na embocadura da Rambla Huéchar colleremos á nosa esquerda por un camiño entre laranxeiras e cultivos que nos devolverá ás proximidades de Gádor. Aquí estamo perto do xacemento arqueolóxico de Los Millares, cuxo acceso está na estrada A-348. Na Rambla del Ciscarejo, teremos que atravesar por un paso inferior a vía do tren e máis a estrada A CAL DEBEMOS SEGUIR aínda que resulta potencialmente perigosa porque non ten apenas berma. Xa só queda volver polas rúas da vila ao punto de inicio.
Resultou unha camiñada moi interesante, con excelentes panorámicas sobre o Deserto de Tabernas e tamén sobre a Serra de Gádor, Sante Fe de Mondújar, etc. é totalmente recomendábel.
Non é unha ruta sinalizada; empregar o GPS é máis que recomendábel. Deben seguirse as recomendacións que dita o sentido común para unha ruta de montaña en canto a equipamento e comportamento. Por suposto, levar auga e víveres. A súa mor dificultade podería ser o desnivel acumulado pero parece perfectamente asumíbel para calquera persoa afeita a camiñar por monte.
Waypoints
You can add a comment or review this trail
Comments