GR 289: 3. ETAPA: ARRASATE-GATZAGA.
near Arrasate / Mondragón, País Vasco (España)
Viewed 423 times, downloaded 41 times
Trail photos
Itinerary description
Waypoints
ARRASATE
Arrasateko plaza nagusitik aterako gara eta Zurgin kantoitik Ferrerias aldera joko dugu, Zurgin ateondotik pasatuz.
ZURGIN KANTOI-ATEONDOA
Hementxe bat egingo dugu GRarekin. San Andres auzora goaz Santa Barbara izeneko parkearen azpi aldetik, eta bertatik Bedoñara doan bidea hartuko dugu.
BEDOÑA BIDEA-ETXABURU
Bidegurutze honetan (Fagor Industrial sarreraren inguruan), Bedoña aldera joko dugu, bide gorria alde batera lagata. Hala ere, goian, Bedoña alde batera lagako dugu, eta Larrinora joango gara.
LARRINO AUZOA
Larrino auzoan gaude. Iturria bertan. Urkuluko urtegira jaitsiko gara.
URLULU (APARKALEKUA/ITURRIA)
Bertan, Urkulu lagata, Areantza auzora joango gara. Areantza Aretxabaletako (Gipuzkoa) auzoa da, herrigunetik hego-ekialderantz kokatutakoa.
AREANTZA AUZOA
16 baserrik osatzen dute auzoa. "Ardantza" izenekoa aipagarria da aurrealdean duen armarri ikusgarriagatik. Erlijio ondareari dagokionez, Natibitate Eliza eta bere Erdi Aroko aztarnak eta ondoko apaizetxea ditugu alde batetik. Bestetik, hilerriaren ondoan dagoen San Bixente baseliza dago.
ALTZINITURRI (URETZA)
Inguru hauetan uretzak (sulfuroz betetako urak) aurkituko ditugu.
MENDIOLA
San Joan Bataiatzailearen parrokia (harri polikromatuzko sagrarioa eta eskuak garbitzeko ontzia, sakristian). Uretza iturria dago bertan. Asfaltatutako bidetik joango gara.
BIDEGURUTZEA (MENDIOLA)
Kurutzeberrira joateko bidearekin bat egiten da bertan. Gure helburua, baina, Eskoriatzako Lete auzora joatea da.
LETE AUZOA
Bertan dago Santa Lutzia ermita ere, baina alde batera lagata Eskoriatzara jaitsiko gara, asfaltatutako errepidea jarraituz.
ESKORIATZA
Eskoriatzan, Bolibar aldera doa errepidearekin bat egingo dugu, baita atseden leku batekin ere, bertan jaterik nahi badugu. Hemen hasten da Aitzorrotzera garaman porlanezko bidea.
PR GI 3001 (GATZAGA)
Hemendik bukerara beste PR honekin partekatuko dugu gure GR bidea. Aldapa ederra dugu hemendik aurrera.
DORLETAKO AMAREN SANTUTEGIA
Jatorria Erdi Aroan badu ere, egungo itxura XVII. mendekoa da. 2018ko urtarrilaren 30ean, Eusko Jaurlaritzak kultura ondasun izendatu zuen, monumentu sailkapenarekin.
GATZ MUSEOA
Ez dakigu zein unetan ohartu zen gizakia ur gazia botatzen zuen iturri honetaz eta ez dakigu ezta ere noiz ikasi zuen gatzaren ezaugarriez baliatzen, baina, iturriaren ondoan aurkitutako aztarna arkeologikoei esker –iberiarren garaiko moneta bat, erromatarren zeramika-aztarnak, gatzez egindako kristalak, egur-zatiak…–, Burdin Aroan ustiatzen zela badakigu. Gatz museotik bertatik gertu dago Gatzaga herria, ibilbidearen bukaera.
GATZAGA
Leintz Gatzaga Gipuzkoako hego-mendebaldean dagoen udalerri txikia da, Arabako mugan, Debagoiena eskualdean biztanle gutxien daukan udalerria dena. Leintz Gatzaga izenak herriaren inguruan dauden gatzaga garrantzitsu batzuetan du jatorria. Dorletako gatzaga horiek izan ziren herriaren sorreraren arrazoi Erdi Aroan. Gaur egun ez dira komertzialki esplotatzen eta museo baten egoitza osatzen dute.
You can add a comment or review this trail
Comments