GR 289: 1. ETAPA: OÑATI-BERGARA.
near Errekalde, País Vasco (España)
Viewed 852 times, downloaded 74 times
Trail photos
Itinerary description
Waypoints
OÑATI
Herriko plazatik irten gara Larraña auzo aldera, eta bidean bat egin dugu ibilbide honen GR-aren seinaleekin.
ERREKALDE BASERRIA (LARRAÑA AUZOA)
Poliki-poliki basora sartzen hasiko gara, tartean baserri batzuk zeharkatuz. Hasteko, Errekalde baserritik.
ATERPEA ETA BORDA (MONO BALTZA)
Mendian gora aterpe eder honekin topo egingo dugu. Arranoaitz gaina geroz eta gertuago dago.
ARRANOAITZ (895)
Iritsi gara Arranoaitz gainera. Ikusmira ederra eskainitzen duen gaina da. Hemendik Arrola aldera joango gara.
ARROLA TUMULUA
Ibilbidean monumentu megalitikoak ere ikus daitezke. Euretako batetik pasatuko gara: ARROLA tumulua. Gorago, berriz, gertu, Arrola gaina dugu.
ARROLA (907)
Ibilbidearen gailurra da Arrola gaina. Bertan, zertxobait jaitsiz, iturria ere badaukagu. Hemendik Deskarga aldera joko dugu. Dagoeneko Antzuolako udalerrian gaude.
LAKIRIOLA (HILARRIA, MUGARRIA ETA ATERPEA)
Lakiriolan dago Legazpi eta Antzuolak partekatzen duten Ardanbidetako mugarria. Gorago utzi dugu 1910ean eurretan hildako Julian Lizaur giza-seme baten hilarria. Hemendik, berriz, Deskarga aldera joko dugu.
LAKIRIOLA BARRENA (OSINA-PUTZUA eta BIDEGURUTZEA)
Putzu bat dagoen bidegurutzean hartuko dugu Deskarga aldera, asfaltatutako errepidearekin bat egin arte.
DESKARGAKO ERREPIDEA
Antzuolatik Deskarga mendatera doan errepidea hartu eta zeharkatu beharko dugu 25 bat metrotan, trenbidean sartzeko. Beraz, kontuz, trafikoa dagoelako.
TRENBIDEA
Bergaraino eramango gaituen "Los Vascongados" trenbidera goaz. Bide berde hau izango dugu bidelagun ia ibilbidearen bukaeraino.
IÑURRIGARROGARAI BASERRIA
Une batean baserritik pasatu beharko gara, trenbidearen tunela ez baitago baldintza egokienean eta. Zelaitik, berriz, eta Amilleta baserria aurrean dugula, trenbidea hartuko dugu berriro.
KAXETA
1971eko otsailean itxi zen betirako "Los Vascongados" izeneko trena, Zumarraga eta Bilbo (Atxuri) elkartzen zuena. Kaxetan bizi zen trenbidearen zaintzailea eta bere familia. Gaur aisigune bihurtu da. Trenbidea jarraituz, eta Arrieta edo "Los Gallegos" tunela pasatuta, bat egingo dugu Laskurainandi baserri aurrean Gipuzkoan 1867an hildako hartzaren kokapenarekin.
BERGARA (BIDEGURUTZEA)
Trenbidea hemen bukatzen da. Bergarako plazara eramango gaituen bidea hartuko dugu, Laboratorium ingurutik pasatuz.
ETAPAREN AMAIERA
Hementxe bukatzen da etapa. Gertu dugu Laboratorium museoa eta San Pedro parrokia. Bertatik herriko plazara iritsiko gara. Bergarak, ostera, dauzkan altxor guztiak ezagutzeko, egun oso bat behar du (gutxienez).
You can add a comment or review this trail
Comments