GR38-10 Markina - Hariztieder - Santutxu - Ituinomendi - Kalamendi - Ondarroa

10.- GR38.10 Markina – Santutxu – Ondarroa


Azkenean gaur helduko gara 3gn itsasportura, beste biak izan dira Bermeo eta Lekeitio, hirurak hasten dira Oionen eta Maume auzoraino alkarrez datoz, baina sartzen garenean Oiz azpian hasten da lehenengo zatiketa, Astoganeko lepoan dago bide gurutze bat eta ezkerrera doana amaitzen da Bermeo baina arinago pasatzen da Albiz, Mendata, Gernika…eta eskumara eginda doaz Lekeitio eta Ondarroara baina hauek biak ere Santutxuko baselizan zatitzen dira, ezkerrera Lekeitiora eta eskumara Ondarroara.

Ez dakigu gaur egun dagozan bideak eta antzinekoak bat datozen baina gutxi gora behera nahiko hurbil ibiliko ziren.

Gaurkoan hasi gara Markinan joateko GR38 bilatzera Bedartzandi azpian eta bat egiteko Lekeitiora joan ginen lekutik, horretarako hartun dogu Markina herrian PR-BI-26/27, hasieran zementozko bidea da heldu arte Gobaro gunera, bidea doa Urreagarai ingurura baina gu sartun gara Gobaroko koban ingurura egiteko Hariztieder (bakarrik dagoz arteak); berriz itzuli gara bide printzipalera eta handik gutxira GR38, gune hau ezaguna da Txepetxekabia moduan, dagoz baserri batzuk apurtuta eta txaleta bat, hemendik asfaltuta dagoen bide batera , hau dator Aulestiatik eta doa Markinaruntz…, laster egin dogu bat Santutxo baselizagaz eta hemen utzi doguz Lekeitiora doazenn bideak eta gu eskumara heltzeko Ituino baserrira eta Ituinomendi gailurra (igoera ez dago txarto baina Artaun baserrira joateko nahiko zikin aurkitu dogu), hemendik ikusten da Berriatua eta behin Milloi mendatera helduta jarraitu dogu San Antolin baselizara eta aurrerago Kalamendi gailurra, ikuspegi zoragarria Kantauriko itsasoa ikusteko.

Hemendik oso hurbil Ondarroa baina arinago heldu behar gara Astarrika auzora eta hemendik zementozko pista batetik Ondarroako erdi gunera.