Hermisende-Río Tuela-Alta Sanabria (Zamora)

O río Tuela nace en España, na provincia de Zamora (Castela e León), no Parque Natural do Lago de Sanabria (Alta Sanabria), na Serra Segundera, aproximadamente 1.850 metros sobre o nivel do mar, no lugar denominado "Lagoas de la Hermita".
É un río de orixe glaciar, e os seus principais afluentes son o río Pedro e o Río da Gamoneda en España; río Guide e o río Baceiro de Portugal. Despois do seu paso por España, que serve de fronteira natural entre as comunidades autónomas de Castela-León e Galicia, se interna en territorio portugués, na parroquia de Moimenta, provincia de Bragança, no corazón do Parque Natural de Montesinho. Verte as súas augas ao Douro en compañía doutro, formando o río Tua.
O Municipio de Hermisende está situado no Noroeste da Península Ibérica, pertence a Zamora (dentro da comunidade de Castela e león), está rodeado polas provincias de León (o norte), Ourense (o Noroeste) e Portugal (o sur).
Encóntrase no límite da provincia de Zamora, na fronteira con Portugal e a escasos quilómetros da provincia de Ourense. A súa situación fronteiriza marcou a súa historia ao longo do tempo, deixando pegadas inequívocas das súas influencias galegas e portuguesas. Parece ser que Hermisende pertenceu a Portugal ata o ano 1640 (Guerra de Restauración Portuguesa)
Lugar que nunca visitara e que espertaba curiosidade. Realizamos un pequeno percorrido polos arredores do Rio Tuela ao seu paso por Hermisende. Existen varias posibilidades para percorridos a realizar en próximas datas. Os camiños do contrabando, camiño dos castiñeiros, o alto Tuela e o Castro de Muradellas e camiñar polos marcos fronteirizos. Lugares:(Castrelos, Castromil, San Ciprián, La Tejera e Hermisende).
A decepción: grandes extensións arrasadas polo lume.