Hernani - Imiaga - Igorin - Hernani
near Hernani, País Vasco (España)
Viewed 91 times, downloaded 8 times
Trail photos
Itinerary description
Lehenengo lerroa politta da, mendiak ez dira oso altuak eta bide zati handiena baserri eta sagasti tartean igaro det.
Bi lerroak elkartzeko Mugaritz jatetxea eta Landarbasoko ingurua errepidez egin beste erremediorik ez dut izan.
Pillotasoro parean utzi dut errepidea Landarbaso erreka aldera jaitsi eta Bixtarrira alde honetatik igotzeko asmotan, mapatan hainbat bide eta bidezidor ikusten bainituen. baina ezinezkoa izan zait. Bide horiek itxita zeude eta azkenean mendiari buelta eman beharrean aurkitu naiz Larratz baserrira iritsi arte.
Bigarren mendilerro honetan trikuharri dexente ikusteko aukera dugu.
Waypoints
Juanantonekogaina
Ni zuzen joan nintzen eta ezin izan nintzen berez tontorra den punturaino. Belardian eskuinera dagoen ataka zabala pasa behar dugu eta hesia ezkerretara eraman tontorreraino iritsi ahal izateko. Behean bidearekin bat eginez dagoen ataka gainditzeko lan pixka bat izan dut, irikitzen ez denez, zirrikitu txiki bat bakarrik baitu bertatik pasatzeko.
Ezkerretara Polipaso errekarantz
Errekara iristen garenean eskuineko gurdibidetik jarraitu behar dugu ezkerretara doan pista utzita. Gurdibideak aurrerago errekara gurutzatu eta sakonune luze baten sartzen da. Sakonune bukaeran sagasti handi batera iritsiko gara eta bere ezkerretatik igoko gara sagardotegiraino. Bide honetan, aukeran, larra gehiegi ateratzen ari zen. Ni pastakoan bidea ondo zegoen baina denborarekin ikusi egin behar.
Atxurromendi
276 m Nik ehiztarien txabolan gora jo nuen zuzenean tontorrera iritsiko nintzelakoan baina bidea itxi egin zan eta berriro gurdibidera jetxi behar izan nuen. Beraz, gaztainak bildu nahi ez badituzu behintzat, zuzenean jarraitzea hoberena.
Mugaritz
Hemendik Landarbasoko trikuharrien bidegurutzerainoko bide guztia errepidez egin nuen.
Eskubitara, trikuharrien ibilbidea
Gurdibidea Landarbaso errekaraino jaisten da eta hura gurutzatu ondoren trikuharrien ingurura igotzen jarraitzen du. Trikuharrietara iristeko bide indikadoreek jarraitu besterik ez dugu.
Eskubitara, tontorrerainoko bidea
Larratz baserri parean dagoen ataka gainditu eta gurdibidea jarraituko dugu gorantz. Ezkerretara utziko dugu etxetxoa eta aurrera jarraitu. Une jakin batean eskubitara egin behar dugu hesturaz inguratuta dagoen larrealdera. Atetxoa gainditu eta larrean sartuko gara. Larrea gurutzatu egingo dugu gurdibidea jarraituz. Une batean, gurdibidea amaitutakoan, bidezidorra jarraituko dugu hesian beste atetxo batekin topo egin arte. Zikin antzean egon arren, ondo pasa daiteke.
Atea
Atetik tontorreraino bidezidorra jarraituko dugu. Zikin xamarra baina ondo pasatzeko modukoa.
Bixtarri
406 m Kostata, baina azkenean lortu nuen! HGem,endik Igoineainoko bidea pazientziaz jarraitu beharrekoa da: harri asko, sigi-sagaka, ... Dena goiko aldetik egiten saiatzea hoberena ...
Akolagain
333 m Antenatik larragangoikoa baserrira bidea belazean zehar oso pikoa jaisten da.
Ezkerretara
Gurdibidea basora sartzen da eta Osinaga auzoa gurutzatuz Otsuenea sagrdotegira eramango gaitu eta handik Hernaniko tren geltokiraino. Otsuenea pasa eta errepidearekin bat egiten dugunean, aurreraxeago, iturri bat dugu ( beheko argazkian ).
Comments (2)
You can add a comment or review this trail
Aupa Antton Garro. Zure ibilbidearen zati bat egin nuen atzo zure markak jarraituz kontrako noranzkoan. Oso ondo adierazia, plazer hutsa izan da. Zorionak
Eskerrik asko. Asmo horrekin egina zan, bai.