Hospital do Incio, circular polas minas etc
near Hospital, Galicia (España)
Viewed 75 times, downloaded 2 times
Trail photos
Itinerary description
Feita seguindo este trazado: https://gl.wikiloc.com/rutas-sendeirismo/hospital-131051733?showFollow=1
Moi boa camiñada por uns lugares de paisaxes espectaculares. Comeza xunto da igrexa románica do Hospital do Incio, un monumento digno de ser coñecido. Aquí non hai moito sitio para estacionar: tres ou catro carros. Pódese comezar noutro punto se é o caso.
Xa dende o comezo, e mentres se transita polos vales, a vexetación é exuberante. Por unha estrada de nulo tráfico neste día chégase a Trascastro, unha aldea de boas e fermosas casas bastante conservadas no estilo tradicional.
Algo máis adiante atopamos o río da Antigua, cun par de muíños (un en lamentable estado de deterioración) e seguindo río arriba o curioso fenómeno da "desaparición" do río por sumicio a través de galerías cársticas. O treito seco (agás en épocas de augadas) é duns 700 metros e finaliza co abrollamento da auga nun punto. Para ver este fenómeno é preciso ir en tempo en que non haxa cheas pero si certo nivel de caudal.
Nesta zona hai restos mineiros romanos, unha explotación polo método de ruína montium. Non está moi visible pola cantidade de vexetación.
Voltando atrás, continúa a ruta iniciándose unha notable subida durante dous quilómetros. A dificultade queda compensada polas magníficas panorámicas que se vai podendo gozar. O punto máis alto é no alto da Pena Escrita, nome moi suxerente tendo en conta o que máis adiante atoparemos.
O seguinte traxecto ofrécenos unha serie de vestixios ben interesantes: un foxo do lobo (para o que hai que facer unha derivación de ida e volta que nesta altura presenta vexetación estacionaria) que paga a pena visitar. Polo camiño podemos tamén observar o regato do Couso, cuxas augas férreas deixan un limo vermello-alaranxado moi chamador.
De volta na pista, iremos atopando restos de antigas explotacións mineiras de ferro. Na do Avión hai unhas pequenas colonias de brións fosforecentes moi raros e curiosos. Están en PERIGO DE EXTINCIÓN polo que, se sempre debemos ser coidados@s co medio polo que camiñamos, neste caso moito máis.
Algo máis adiante está o petróglifo de Pena do Chao onde, a parte de coñecer este xacemento, podemos desfrutar dunas vista cativadoras.
Xa axiña atopamos unha estrada que sobe a Monteagudo, pola que baixaremos ata San Pedro. Tampouco aquí atopamos tráfico e resulta levadío camiñar por ela xa que na mor parte vai polo medio de soutos e touzas agarimosas (nesta altura, tamén hai amorodos nas bermas que son unha delicia!)
A volta ao punto de comezo vai atravesando varias aldeas ou barrios: igrexa de San Pedro do Incio, Barreiro, Carralcova, Madeiro... e chegado á do Hospital. En todos estes núcleos hai admirabeis elementos de arquitectura tradicional: fornos acaroados, canzorros dos corredores... Dende Madeiro ata a estrada LU-653 hai algúns treitos con estrugas altas que dificultan o paso. Pódese atallar polos prados.
Como resumo: ruta con certa dureza polo desnivel, en xeral por camiños limpos e con moitos compoñentes interesantes. Recomendábel.
Moi boa camiñada por uns lugares de paisaxes espectaculares. Comeza xunto da igrexa románica do Hospital do Incio, un monumento digno de ser coñecido. Aquí non hai moito sitio para estacionar: tres ou catro carros. Pódese comezar noutro punto se é o caso.
Xa dende o comezo, e mentres se transita polos vales, a vexetación é exuberante. Por unha estrada de nulo tráfico neste día chégase a Trascastro, unha aldea de boas e fermosas casas bastante conservadas no estilo tradicional.
Algo máis adiante atopamos o río da Antigua, cun par de muíños (un en lamentable estado de deterioración) e seguindo río arriba o curioso fenómeno da "desaparición" do río por sumicio a través de galerías cársticas. O treito seco (agás en épocas de augadas) é duns 700 metros e finaliza co abrollamento da auga nun punto. Para ver este fenómeno é preciso ir en tempo en que non haxa cheas pero si certo nivel de caudal.
Nesta zona hai restos mineiros romanos, unha explotación polo método de ruína montium. Non está moi visible pola cantidade de vexetación.
Voltando atrás, continúa a ruta iniciándose unha notable subida durante dous quilómetros. A dificultade queda compensada polas magníficas panorámicas que se vai podendo gozar. O punto máis alto é no alto da Pena Escrita, nome moi suxerente tendo en conta o que máis adiante atoparemos.
O seguinte traxecto ofrécenos unha serie de vestixios ben interesantes: un foxo do lobo (para o que hai que facer unha derivación de ida e volta que nesta altura presenta vexetación estacionaria) que paga a pena visitar. Polo camiño podemos tamén observar o regato do Couso, cuxas augas férreas deixan un limo vermello-alaranxado moi chamador.
De volta na pista, iremos atopando restos de antigas explotacións mineiras de ferro. Na do Avión hai unhas pequenas colonias de brións fosforecentes moi raros e curiosos. Están en PERIGO DE EXTINCIÓN polo que, se sempre debemos ser coidados@s co medio polo que camiñamos, neste caso moito máis.
Algo máis adiante está o petróglifo de Pena do Chao onde, a parte de coñecer este xacemento, podemos desfrutar dunas vista cativadoras.
Xa axiña atopamos unha estrada que sobe a Monteagudo, pola que baixaremos ata San Pedro. Tampouco aquí atopamos tráfico e resulta levadío camiñar por ela xa que na mor parte vai polo medio de soutos e touzas agarimosas (nesta altura, tamén hai amorodos nas bermas que son unha delicia!)
A volta ao punto de comezo vai atravesando varias aldeas ou barrios: igrexa de San Pedro do Incio, Barreiro, Carralcova, Madeiro... e chegado á do Hospital. En todos estes núcleos hai admirabeis elementos de arquitectura tradicional: fornos acaroados, canzorros dos corredores... Dende Madeiro ata a estrada LU-653 hai algúns treitos con estrugas altas que dificultan o paso. Pódese atallar polos prados.
Como resumo: ruta con certa dureza polo desnivel, en xeral por camiños limpos e con moitos compoñentes interesantes. Recomendábel.
Waypoints
Monument
2,374 ft
Igrexa do Hospital
Igrexa de San Pedro Fiz do Hospital. De arquitectura románica, pertenceu á Orde Hospitalaria de San Xoán de Xerusalén. Formaba parte dun conxunto formado pola igrexa, unha fortaleza, unha hospedería, e un hospital para necesitados e peregrinos, pois por aquí pasa unha variante do camiño de Santiago. Durante séculos mantiveron a súa Encomenda, unha das sete existentes en Galicia. Orixinalmente contaba con dúas torres defensivas. Unha delas foi reconvertida en torre campanario, e a outra foi usada no século XVI para o panteón da casa dos Quiroga.
You can add a comment or review this trail
Comments