Igeldo-Txalin-Biraola-Mendizorrotz-Arrizorrotz-Beletako-Aitzasate-Tontortxiki-Kukuarri-Anduaitz-Borda-Garmendi-Orio

Ruta de Dolmen Iturrieta a Orio pasando por:
- Txalin ( 1.3 km)
- Biraolako gaina ( 2.1 km)
- Mendizorrotz (4.4 km)
- Dolmen Aitzasate (6.4 km)
- Arrizorrotz ( 7.9 km)
- Beletako Aitza ( 8.2 km)
- Tumulo Tontortxiki (11.1 km)
- Morkosko ( 13.3 km)
- Kukuarri (15.3 km)
- Talaigaina (15.9 km)
- Andu Aitz (17.5 km)
- Bordaneko tontorra ( 18.8 km)
- Ermita de San Martín (22.0 km)
- Orio (23.7 km)


Topo EH-n Igeldoko kanpinetik Oriora bitarteko mapan markatuta dauden tontorrak egiteko osatutako ibilbidea da hau. Igeldo inguruko mendi batzuekin gertatu bezala, hainbat tontorretara bide errazetik igotzea ezinezkoa da, eremu pribatuak baitira. beraz ibilbide luzeagoak eta batzutan zikinagoak egitea tokatu zait. Aitzasate tontorrera iristea ezinezkoa egin zait ze bide erraza pribatua zan eta alternatibako inguruak laharrak eta sasiak erabat itxia zeukaten iritsiera. Oso gertu duen gurutzera oso erraz iristen da, eta horrekin konformatu behar.

Donostiko Antiguo ingurura autobusez iritsi naiz. Han Ondarreta inguruan Igeldora daramagun 16 ibilbideko beste autobusa hartu eta Igeldoko kanpin ondoan dagoen geltokian jetxi naiz.

Abiatu eta berehala mapan Txalin mendira igotzen den pista hartzeko asmoarekin arrimatu naiz baina lehenengo ezustea: hesia pista itxiz eta poliziari abisua emateko oharra. beraz, terrenoan bertan inprobisatuz, alternatiba bilatzera tokatzen da.

Txalinera iristeko mapan Beorreta baserritik izan zitekeela ikusi dut. Behorretako gaina bidean zegoenez, hori izan da igotako lehenengo tontorra. Errepide ondoan dago, erraz sartu daiteke ataka bat pasata eta ia tontorrera belarditik joanda, tontor ingurua sasiak hartua dago.

Errepidetik Beorreta baserrira inguratu naiz eta berrogei bat metro aurrerago, irekita zegoen langa bat pasa eta belazetik ia tontorreraino igo naiz. Han, depositua eta eraiki berria dagoen txaleta daude. hesia kanpotik inguratuz tontorrera iristeko modua izan dut. Azken metroak zikin xamarrak baina ibiltzeko moduan daude.

Berriro errepidetxora jetxita itxaso aldera jarraitu dut Belabietaundi baserrirantz. Bertara iritsi baino lehenago, ezkerretara zabaltzen zaigun belaze batetik gora egin behar dugu. Bidea garbia dago ia gainera ateratzen garen arte. Han landare eta sasi dexentekin topo egin dut, baina pazientziaz Biraolako gaina tontorrera nahiko ondo iritsi naiz. Berez, bide errezena Mendizorrotz aldera doan errepidetik igota da, baina terrenoak pribatuak dira eta ezin pasa. gainera, mastin haundi bat dago, bere aldetik tontorreraino bixitan igo dena. Eremua txarrantxa hesiaz itxia zegoenez, lasai baina... Hala ere mastina lasai antzean azaldu da. Eskerrak!

Bidera bueltatuta, Oriora daramagun errepidetik Ekaitz jatetxera ( Polipaso ) iritsiko gara eta bere ezkerretatik zuzen gora doan pistatik gora abiatuko gara. Antenara iritsi baino aurreko bihurgunean zuzen gora igoko gara hesiarekin batera. Antenetara doan pista nagusira iritsiko gara eta hortik azken antenaraino. Hortikan, mendiaren ezkerretik bidezidor bat hartuko dugu Mendizorrotz mendiaren tontorreraino igoko gaituena. Ikusmira ederra daukana.

Berriro antenen pistara eta hortik Orioko errepidera jetxiko gara. Arrizorrotzera jexteko bidegurutzea lehenago egon arren, errepidetik Aitzasateraino jarraitu dut, gero Arrizorrotz igo ondoren Santiagorako bidetik jarraitu nahi baitut berriro errepidera igo gabe.

Esanda bezala, errepidetik ezkerretara ateratzen den pista hartuta oso erraz iritsi naiz Aitzasate gurutzera. Tontorra oso gertu dago baina ezinezkoa gertatu zait bertara iristea, erabat sasiak eta laharrak pasabidea galarazten baitzuen. Errepide bazterretik jarraituta hesi bikoitza dauka ipinita eta hesi bikoitza hori etxe eta terreno pribatu batera sartzeko zegoen ataka itxi batean bukatzen zen. Ezin eremu pribatura sartu, beraz, bere horretan utzi behar.

Errepidean berriro Igeldo aldera jo dut Arrizorroztera jaizteko pistaren bideguruitzera iritsi arte. Behin bidegurutzean ezkerretara hartuta, oso-oso erraz jaisten da Arrizorrotz tontorreraino. Tontor azpian Egiluze putzua ikus dezakegu.

Arrizorrotz tontorretik itsaso aldera doan bidezidorretik, tarteka erne ibili beharrean ziango garen arren, garbi-garbi Beletako Aitzaraino jetxiko gara. Itsaso gain-gainean egon ez aren, talaia kuriosoa da mendi hau, ikusmira ederrekin.

Berriro Egiluze putzu ingurura igoko gara eta hortik behera ekarri agituen pistaraino. Pistan gaudela, puntu honetan Santiagora doan bidearekin bat egiten du eta pixka bat aurrerago hori jarraituta Lusarbeerdi baserriraino jarraituko dugu. Han iturri eder bat dugu ura beharko bagenu ere. Baserritik Igeldo-Orio errepidera igoko gara. Errepidea gurutzatuta Tontortxiki tumulu inguruetara sartuko gara, bidetik pixkanaka Tontortxiki I tumuluraino igoaz. Hau dugu tontorra.

Errepidera eta merendalekura jetxita, errepidea Orio aldera jarraituko dugu. Metro gehiegi aurrera egin gabe Bentara daraman bidegurutzera iritsiko gara. Bidegurutzean ezkerretara hartu eta jatetxearen ezkerretik doan gurdibidea jarraituz Bentagaña tontor ingurura iritsi naiz. 3 gurutze dauden inguruan txarrantxa hesia pasa eta tontorreraino igo naiz. Gurdibidera itzulita, zentzu berdinean jarraituta berriro errepidera itzuli naiz. Errepidean Orio aldera jarraitu eta Peregrinoaren txokoa pasa ondoren dagoen bihurgune itxian, eskubitara hartu det Santiagorako bidea jarraituz.

Osop metro gutxi aurrera egin eta erzkerretara dagoen belazera jetxita, oso erraz iritsi nazi Morkosko tontorrera.

Morkoskotik atzera Igeldo-Orio errepidera itzuli eta metro batzuk gora egin dittut Igeldo aldera Longa baserrira daramagun bidegurutzearekin topo egin arte. Pistan aurrera jarraitu dut borda baten parera iritsi arte. Bidegurutzean eskubitara bordara hartuko dugu eta markatuta dagoen bidetik Kukuarriko gurutzeraino igo naiz.

Kukuarrin eskubitara bidetik jarraitu eta antena duen Muinoetaburu tontorerraino joan naiz. Berriro bueltatu naiz eta Kukuarri pasa ondoren bidea jarraitu det Talaiamendi igotzeko asmoarekin. Leku pare batetik saiatu naiz. Lehenengoan ezinezkoa gertatu zait iristea eta beste leku batetik saiatu naiz. Hortik tontorreraino iritsi naiz baina azken tramoa oso zikina gertatu zait. Jaisteko erabili dudan bidea egokiagoa eta garbiagoa izan da. Beraz, TALAIAMENDIRA JEISTEKO ERABILI DUDAN BIDETIK IGO!.

Kukuarritik zetorren bidean jarrita, beherantz jarraituko dugu ia Anduko aitzara iritsi arte. Borda baten parean dagoen atakatxotik belazera sartu eta pinudiraino joan naiz. Han txarrantxa hesia zailtasun haundirik gabe pasa dut eta bidezidorretik Andukoaitzara iritsi naiz. Gurutze bat dago bertan.

Berriro borda parera itzulita, gurdibidetik behera jarraitu dut Aganduru baserri pareraino. Egia da tartean Bordaneko tontorrera joateko laburbidea bilatu nahian aritu naizela baina inora jarraitzen ez zuenez, atzera lehengo tokira.

Aganduru inguruan bidean behera jaraitu dut bidegurutze batekin topo egin arte. Hor, eskubitara hartu dut eta errepidea jarraitu Bordaneko mendi parera iritsi arte. Honen igoera garbia eta erraza da. Ikusmira ederra Orioko kanpina eta bokalearen aldera.

Errepidetik Autopistako peaje ingururaino jarraitu dut, bertan Oliden aldera jaisten duen errepidetik segituaz. Une batean, eskubitik gora aldapa gogorretik San martin baselizara igo naiz. Han ere iturria daukagu, behar izanez gero.

Baseliza paretik ateratzen de ngurdibidea jarraituz eta belazetik barrena garmendi mendira iritssi naiz. Tontorretik oria ibaia eta Andatza mendi alderako ikuspegi politta gertatzen da. Tontorra berez kaida handi xamarreko haitz bat da.

Berriro baselizan, Oriora jaitsiko gara kanposantu aldamenetik. Elizara iritsitakoan, ezkerretatik inguratu eta udaletxe aurreko plazara aterako zara.

Oria ibaia zubitik pasa eta Donostiara eraman naun trena hartu dut.

Ederra buelta.