Circular de Burela

Ruta circular que discorre ao longo do concello de Burela.
Tomando como punto de partida no acceso ao Porto de Burela, empezamos o percorrido ao longo do paseo marítimo en dirección ao complexo deportivo de A Marosa, do que saímos bordeando o campo de futbol e deixando a praia á nosa dereita, para continuar pola estrada en dirección ao barrio de A Casilla.
Pouco antes de atravesar unha ponte torcemos á nosa esquerda para seguir ao carón da vía do tren ata chegar a unha ponte, á nosa dereita, que nos permite atravesar a vía e chegar a estrada xeral.
Atravesamos a estrada xeral e seguimos de fronte, en dirección ao barrio de Vilar, pero asiña torcemos á esquerda por unha estrada que nos leva ata o barrio da Vila do Medio, onde despois de calexear un pouco, chegamos a igrexa, que deixamos para seguir rumbo á Fonte da Lamela.
Despois de refrescarnos na fonte, saímos pola sua esquerda para subir rumbo ao Camiño Real, atravesando un eucaliptal que nos axuda a abrir as vias respiratorias.
Chegados ao Camiño Real, torcemos á esquerda ata superar o Lugar de Cardoxe e pouco despois torcemos á dereita para subir en dirección ao cemiterio, eiquí voltamos a atravesar a estrada, polo que hai que ter coidado.
Subimos deixando o cemiterio á nosa dereita ata chegar preto do Punto Limpo, ahí torcemos á dereita para subir ata a estrada que sube ao mirador do castelo, seguimos polo arcén da estrada uns 50 metros ata atopar o desvío que sube monte arriba ata chegar, despois duns cantos desvíos, ao monumento homaxe ao Comuneiro, e dende aquí seguimos ata o mirador do Monte Castelo, para disfrutar dunhas vistas de Burela realmente magníficas.
Escomenzamos o descenso por una vía forestal ata chegar á via de servizos da variante, pola que continuamos sen desviarnos ata achegarnos á ponte que atravesa a estrada para desviarnos á nosa dereita e seguir un bó treito pegados á variante ata chegar ao seu remate, no límite dos concellos de Burela e Foz.
Adentrámonos no barrio do Cantiño, onde discorremos polo paseo marítimo, que xa non imos a deixar ata chegar ao barrio bureles de Suafonte, no que torcemos á dereita para atravesalo e baixar, escaleiras incluidas, ata a estrada do acceso ao porto, pola que retornamos ata o punto de partida, dando por rematado o noso paseo