IKAZKIN MENDI IBILBIDEA: ARETXABALETA

Download

Trail photos

Photo ofIKAZKIN MENDI IBILBIDEA: ARETXABALETA

Author

Iñigo Ramirez de Okariz Telleria

6,277 410 4903

See more trails from this author

Trail stats

Distance: 12.63 mi
Elevation gain: 3,665 ft
Technical difficulty: Moderate
Elevation loss: 3,665 ft
Max elevation: 3,748 ft
TrailRank: 52
Min elevation: 3,748 ft
Trail type: Loop

Moving time: 4 hours 17 minutes
Time: 4 hours 32 minutes
Coordinates: 3540
Uploaded: September 15, 2022
Recorded: September 2022

Be the first to clap

near Markola, País Vasco (España)

Viewed 183 times, downloaded 9 times

Trail photos

Itinerary description

Ibilbide honek jarraitzen du neurri handi batean, eta bariante batzuk izan ezik, aurten (2022an) Aretxabaletan eta lehendabizi egin den ikazkin mendi lasterketa. Hasteko, baina, aldaketatxo bat: lasterketaren kontrako bidea egiten duelako gure ibilbideak. Eta egiari zor, ibilbidea toki ezezagunetatik bezain ederretatik pasatzen da, eta han eta hemen begiratoki ugari eskaintzen ditu inguruaz disfrutatzeko. Ez du aparteko zailtasunik eta bideak ondo daude.

Waypoints

ARETXABALETA

Aparkatzeko tokia dago inguruan. Aretxabaletatik Urkulura doan oinezkoen bidea hartuko dugu.

AREANTZA

Areantzara hartuko dugu, autoen errepidea jarraituz.

ELUR-ZULO BIDEGURUTZEA

Behetik gora hartuko dugu bidea eta hutsik dagoen Intxaurbe baserritik eta Altziniturritik (uretsa) pasatuko gara.

ELUR ZULO (BIDEGURUTZEA)

Pista lagata, ezker aldean hasten dena hartuko dugu gora.

TXABOLA

Txabolatik gertu bat egingo dugu Urkuluko aparkalekutik Kurutzeberrira gora datorren bidearekin. Bat eginda, behetik gora hasiko gara, eta zati aldapatsua izago da.

ITURRIA

Aprobetxatu beharko genuke iturria kantinplora betetzeko, izan ere ez dugu iturririk izango ibilbide osoan eta.

TXABOLA

Aldapak atsedena emango digu, eta ezker aldetik jarraituko dugu. Helburua Narrukazpe hegalera joatea da. Hemendik laster pista mendiko bidea bihurtuko da. Eta egiari zor, Narrukazpe izeneko zelai, pagadi eta abarreko inguru ederretatik pasatuko da.

NARRUKAZPE

Dagoeneko mendiko bidea hartuko dugu eta berau jarraituko dugu Andarto Txiki mendi hegaleraino. Zeharkaldi ederra izango da, paisaia politak eskainiz.

NARRUKAZPE

Fondoan Andarto ikusten da. Baina inguruak ikusmira ederra eskaintzen digu. Aprobetxatu.

NARRUKAZPE

Mendi hegala inguratzen gaude eta, ezinbestean, geldiuneak egin behar dira, eta gertuko zein urrutiko mendiak identifikatu: ORKATZATEGI-ALOÑA-AIZGORRI-ANDARTO-ANDARTO TXIKI...

GAINTXUETAKO TXABOLA

Bidetzurra dagoeneko pista bihurtuko zaigu txabolatik aurrera, eta mendiko pista behera hartuko dugu, izan ere helburua Andarto Txiki hegalaren azpitik pasatzea da, ondoren Degurixara igotzeko.

URBATZA (BIDEGURUTZEA)

Dakargun pista alde batera lagata, Andarto Txiki azpira joango gara bidetzurra jarraituz.

URBATZAKO TXABOLA

Andarto Txiki zein Andarto mendien lepoan edo azpian kokatzen da. Hemendik Araotzetik datorren pistarekin bat egingo dugu, eta helburua Degurixa aldera joatea da, Andarto hegalaren azpitik gora. Bide polita da lepora garamatzana.

EZATEKO LEPOA (ANDARTO)

Behin lepoan, behera joko dugu, Degurixara, eta alde batera lagako dugu Andartora igoera (aukeran: 20 minutu).

DEGURIXA

Beti ederra eta aldi berean ezezaguna ere bada Degurixa. Eskoriatza eta Oñati artean dago, eta 975 metroko garaieran dago, Zaraiako mendilerroaren erdi-erdian.

URKULU (PR GI 3002)

Degurixa erdian topo egingo dugu seinale honekin. Guk Urkulura doana hartuko dugu. Beraz, horiak eta txuriak diren seinaleak jarraituko dira. Hasteko, aldapatxoa dugu igotzeko.

AIZNARDO AITZA

Degurixatik dakargun aldapak hementxe du bukaera. Ezin inguru ederragorik!!! Datorkiguna baina, ez da itsusiagoa izango. Inguru ederrak zeharkatuko ditugu: harkaitzak, harkaitzuloak, pagadiak ... Beste bide zati handi batez, seinaleak jarraituko ditugu, nahiz eta gerora alde batera laga.

ELORRETAKO AITZA (1155)

Dagoeneko alde batera laga ditugu seinaleak, eta behetik gora igo dugu Elorretako aitzara. Hemendik aurrera ere, berdin, seinalerik gabe Kurutzeberri gurutzeraino joango gara.

KURUTZEBERRI (1112)

Kurutzeberri azpitik pasatuz, Urkulura jaisten hasiko gara, Narrukazpe izeneko hegaletik behera.

ESKORIATZA-ARETXABALETA-ARRASATE

Kurutzeberritik dagoen ikusmira ikusgarria da, besteak beste inguruko herrienak.

NARRUKAZPE: URKULUKO URTEGIA

Narrukazpetik dagoen ikusmira, berriz, ezin hobeago da. Inguruko herriak, mendiak ... Goitik behera hasiko gara bidetzurra eta harripilak jarraituz.

NARRUKAZPE (BIDEGURUTZEA)

Bidegurutzetik ezker aldera, behera hasiko gara. Kontuz ibili buztita baldin badago bidetzurra. Bestela bidea oso erakargarria da. Helburua, Urkuluko aparkalekura iristea da.

URKULU (APARKALEKUA ETA ITURRIA)

Bertan, ibibide ezberdinen informazioa ere aurkituko duzue. Hemendik, lehen ekarritako bidetik, Aretxabaletara jaitsiko gara.

AOZARATZA AUZOA

Inguru ederrak dira Aretxabaletako udalerriko auzoak: Areantza, Aozaratza, Goroeta, Larrino ... Inguru bat baina mendi ibilbide irteera asko eskaintzen duena.

Comments

You can add a comment or review this trail