IRIMOEGIBARRENA AUZOA (I)

Download

Trail photos

Author

Iñigo Ramirez de Okariz Telleria

6,254 409 4878

See more trails from this author

Trail stats

Distance: 8.76 mi
Elevation gain: 2,454 ft
Technical difficulty: Moderate
Elevation loss: 2,454 ft
Max elevation: 2,965 ft
TrailRank: 49
Min elevation: 759 ft
Trail type: Loop

Moving time: 2 hours 42 minutes
Time: 2 hours 48 minutes
Coordinates: 2414
Uploaded: August 1, 2022
Recorded: August 2022

Be the first to clap

near Ondarre, País Vasco (España)

Viewed 71 times, downloaded 2 times

Trail photos

Itinerary description

Auzo honen kokapenagatik edo, udalerriko ezezagunena izateaz gain, joera dago herritarren artean, erosotasunagatik-edo, Irimoegigoiena auzora errazago joateko. Auzoa ezagutze aldera bi proposamen eskainiko dira, lehena, Irigainetik hasita Legazpia eta Oñati udalerriekin muga eginez, herriko mendi eta baso eremuak ezagutuko ditugu.

Waypoints

HERRIKO PLAZA

Herriko plazatik Antigua aldera joko dugu eta Iriarteazpiko baserri ingurutik Goizper aldera joko dugu, zeharkatu behar dugun errepidea arretaz begiratuz.

IRIMOEGIBARRENA AUZOA

Iriarteazpiko baserria eta Zumarragatik Bergara doan errepidea zeharkatuta, auzoko kartelaren aurrean, hurrengo helburua den Loieta baserria identifikatuko dugu. Bidean, Iriartegaiñeko baserria eta Irigaineko iturria pasatuko dira.

LOIETA (BIDEGURUTZEA)

Bidegurutze honetan Loietara doan porlanezko bidea hartuko dugu.

LOIETA BASERRIA

Herriko baserri gazteneetako bat da, 1876koa da lehen aipamena. Arkitektura berezitasuna puntu-erdiko bi arkuak, Bizkaiako baserrietan agertzen diren antzerakoak. Duela gutxi zaharberritua, azkena, sakona, baina, 1904. urtekoa da, fatxadan dagoen datak adaierazten digun bezala. Hemendik Loietako iturrira joango gara.

LOIETAKO ITURRIA

Metal ura duena eta udalerrian duen harizti eder bakarrenetakoarekin bat egiteko ere aukera izango dugu. Hemendik, gora joko dugu, Mendibilgo txabolatik eta zelaitik gora. Ez dago biderik, zelaia da gure bidea.

BELAR GAINEKO LANGA

Zelaitik gora bat egingo dugu langa honekin. Zeharkatu eta Deskargako errepidetik datorren pistarekin bat egingo dugu, Azpillaga eta Arrola aldera doana.

AZPILLAGA TXABOLA

Azpillaga txabolan gaudela, ekarri dugun pista jarraituko dugu Lakiriola aldera, Arrola gainera doan bidea alde batera lagata.

HILARRIA (MALDARROPA)

-Maldarropa-Malbarro izeneko herriko pagadi ederrenean kokatuta dago hilarria. 1935eko azaroaren 3an hil omen zen inguru honetan Mariano Romaratezabala. Istripuz hil zela ere badakigu, ehiza istripu batean zuzenago esanda. Olamendiko Julian Lezetaren bertsioari jarraituz gero (bertan dauzka baso sailak), bi ehiztari errekatxoa pasatzen ari zirela bata besteari pasatzen laguntzeko eskopeta eman, eta ustekabean karkatuta zegoen eskopetak tiro egin zuen. Bertan hil zen Mariano. Legazpiarra omen zen. Goian bego. -Pista jarraituz, Lakiriola aterpera joango gara.

ARDANBIDETA-LAKIRIOLA

Legazpiko udalerriarekin bat eginda dugu Ardanbideta-Lakiriola eremua, eta bertan dago udalerri honekin partekatzen dugun 59 mugarria. Hemendik Arrola aldera joko dugu, pista jarraituz.

LAKIRIOLABURUKO HILARRIA

Dokumentuek eta hilarriak berak dioskuten bezala, Urretxu nahiz Zumarragako merkatuetatik etxera zihoala, astotik jausi eta bertan hilda aurkitu zuten 18 urte eta 8 hilabete zituen gaztea. 1910eko apirilaren 10a zen. Kontuak kontu, jendeak bertan aurkitu zuen zerraldo Julian Lizaur, eta Deskargako ostatura eraman zutela ere jakin badakigu, handik, ondoren, herriko kanposantura eramateko. Gora jarraituko dugu.

JENTILETXE-ARROLAMENDI (II): MONUMENTU MEGALITIKOA

Arrolako bidean topo egingo dugu monumentu megalitiko honekin. Tumulua da bertan ikusten duguna, garai bateko artzainek euren urteroko transhumantzia garaian eginikoa. Ez da bakarra gure udalerrian, beste hiru bat ere badauzkagulako: Arrolamendi (I), Arrolamendi (III) eta Trekutz. Trekutzkoa kenduta, apurtuta dagoelako, 137/2003 DEKRETUA, ekainaren 24koa, Gipuzkoako Lurralde Historikoan dauden zerrendatu diren Estazio Megalitikoak Monumentu Multzo izendapenaz, Kultura Ondasun gisa deklaratzeko eta babes-araudia ezartzeko dena. Arrolamendin aurkitzen diren tumuluen lehendabiziko datuak 1951ekoak dira, eta Jesus Elosegik, Aranzadi Zientzia Elkarteko kideak, aurkituta. Aztarna hauek induskatu edo eskabatzea 1962an erabaki zen, eta hauek 1963 eta 1964an egin ziren Altuna, Apellaniz eta Rodrigez Ondarra jaunei esker. Trekutzekoa, ostera, 1921ean aurkitu omen zuen Joxemiel Barandiaranek, eta ez du inoiz indusketarik izan. Behin ikusita, gora jarraituko dugu.

JENTILAITZ-MINTEGIA

Arrolaren sorreraren 50. urteurreneko ospakizunen baitan antolatu dute gaurko zuhaitz eguna eta landaketa. 51 haritz eta pago landatu dituzte Jentilaitz izeneko herriko lur sailean, 50 zuhaitz iragana irudikatuz eta beste bat etorkizuna adierazteko (2022/03/13). Behin ikuskatuta eremua, eskuma aldera joko dugu, Arrola gainera hartuz.

HERRIKO MUGARRIA (55): MENDIZABAL GARAIKOA edo IRIKORTA

Jantilaitzetik gatozela bat egingo dugu Antzuola eta Legazpiko udalerrien arteko 55 zenbakia duen mugarriarekin. Joan gaitezen Arrola gainera.

ARROLA-IRIKORTA

Dokumentuetan era askotara aipatzen da lur eremu hau: ARROLAGAINA-ARRILUZEA-JUAN PEREZ KORTA-IRIKORTA. Hala ere, mendizaleentzat Arrola bada gain hau, antzuolar askorentzat Irikorta da lur eremu guzti hau, eta eskrituretan ere halaxe azaltzen da. Bertan dago Antzuola eta Legazpiko udalerrien arteko 54 zenbakia duen mugarria. Gainetik jaisten hasiko gara. Hurrengo helburua Arranoaitzera joatea da.

IRIKORTA ITURRIA

1988ko urrian 22an bukatu zen obra, baina ez guztia. Abenduaren 20an inoxidablea zen galtzairuzko seinalea jartzeko, eta baita antosiña ere, erabaki zen, eta 1989ko urtarrilaren 3an iturriaren norabidea adierazten zuen plaka jarri zen Arrola gainean.

ARROLAMENDI I (TUMULUA)

Arranoaitzeko bidean, Juan Perez korta sakonean, beste monumentu megalitiko hau aurkituko dugu. Arrolamendin aurkitzen diren tumuluen lehendabiziko datuak 1951ekoak dira, eta Jesus Elosegik, Aranzadi Zientzia Elkarteko kideak, aurkituta. Aztarna hauek induskatu edo eskabatzea 1962an erabaki zen, eta hauek 1963 eta 1964an egin ziren Altuna, Apellaniz eta Rodrigez Ondarra jaunei esker. Antzuola eta Legazpiko udalerriek partekatzen dute mugarria hau: 53 zenbakiduna Antzuolarentzat eta 2 Legazpiarentzat. Joan gaitezen Arranoaitzera.

ARRANOAITZ (895 metro)

Arranoiatzen daukan berezitasunetako bat da Oñati, Legazpi eta Antzuolako udalerriek bat egiten dutela puntu honetan, mugarria partekatuz. Oñatiarentzat 20 zenbakiduna; Legazpiarentzat 1 zenbakiduna eta, Antzuolarentzat, 52. Hemendik, behera joko dugu, Argileku eta Koroso aldera. Kontuz jatsierarekin, harri koxkor solte asko daudelako, eta hainbatetan labankor.

ARGILEKU

1929an eraikitako txabola da. Berez Oñatiko udalerrian dago. 1972an sortu zen ofizialki Arrola Mendizale Elkartea, eta harrez geroztik ari da urtarrilaren batean urte berriari ongi etorria ematen Arrola-Koroso aldera etortzen diren mendizale guztiei, salda beroa eta txistorra eskainiz. Lehendabizi Argilekuko txabolan, ondoren, baina, Lizargarateko aterpe eta elkartetik. Hemendik, Korosoko lepora jatsiko gara, ondoren Antzuolako bidea hartzeko.

KOROSO

Korosoko lepoan bat egingo dugu udalerriko 49. mugarriarekin eta Oñatiko 17.arekin. Garai batean Arrolaren mendi ospakizun askoren ingurua. Hemen ikusko dugu Antzuola eta Urkillu seinalea. Hartu.

KOROSOKO ITURRIA (BIDEGURUTZEA)

Aukera dugu zuzenean urkillura joan edo momentu batean Korosoko iturriari darion ura edan. Hemendik behera, garai bateko Antzuola eta Oñatiko bidea jarraituz.