Irizibarko karobiaren bira
near Zizurkil, País Vasco (España)
Viewed 814 times, downloaded 43 times
Trail photos
Itinerary description
Waypoints
Aparkalekua
0 km. Herriguneko Donemiliaga parroki-elizaren atzealdean dagoen aparkalekutik aterako gara. Iparralde aldera jota, Zarateko Bentara doan bidea hartuo dugu. Lehen metroak nahiko aldapatsuak dira. Portxeta baserria ezkerrean eta Andia eskuinean utzita, gora jarraituko dugu.
Arandabarro
0.9 km. Arandabarro etxearen parean eskuinetik Garetza aldera ateratzen den bidea utzita, geurearekin jarraituko dugu.
Egieta
1.4 km. Egieta etxea eta Abeletxerako bidegurutzea pasa eta berehala, eskuinera jaisten den mendi-bidea hartuko dugu.
Andolako borda
2.3 km. Bideari jarraituta, Iruterdi bidegurutzera iritsiko gara. Tartean Andolako bordaren ondotik zeharkatuko dugu ingurua. Zati honetan pare bat langa gaindituko ditugu: bat bordara iritsi aurretik eta bigarrena, trakets samarra, ondoren.
Iruterdi
2.8 km. Iruterdi izeneko bidegurutzera iritisi gara. Eskuinetik Zarapegi baserrira jaisten den bidea utzita, berriro Zarateko Benta aldera igotzen den errepidea hartuko dugu.
Buztinbailararako bidegurutzea
3.5 km. Zarateko Bentara doan errepidetik gora egin dugu. Ibilibidearen punturik altuenera iritsi gara eta hemen bukatzen dira aldapa gorakoak. Illaratxoetara, Motzanera iritsi aurretik ezkerretik Buztinbailara aldera ateratzen zaigun mendi-bidea hartuko dugu, Erramuaitz mendixkaren magalean zehar.
Irizibarko borda
3.8 km. Laister Irizibarko bordaren gainkaldetik pasatuko gara, bidean behera. Irizibarko karobira alderako bide-adarraren bila goaz.
Karobiarako bidegurutzea
4.3 km. Zearsoro baserriraino iritsi aurretik, ezker aldera beste bide bat ateratzen zaigu. Adar hori hartuko dugu eta berehala iritsiko gara Irizibarko karobira.
Irizibar karobia
4.5 km. Irizibarko karobira iritsi gara. Zizurkilgo karobirik dotoreena eta osatuena, herrian dugun nekazal munduko ondarerik preziatuenetakoa eta, beraz, kontu handiz zaindu beharreko altxorra. Irizibar baserrikoak, Zizurkilgo Udala, Hernandorena Kultur Elkartea eta Andoaingo Burdina Taldearen lankidetzaren fruitu izan da 2017ko udazkenean burutu den Irizibarko karobiaren txukunketa, zaharberritzea.
Zearsoro baserria
4.9 km. Irizibarko karobitik atzera itzulita, lehen generaman bidea hartuko dugu. Laister jaitsiko gara Zearsoro baserrira, nekazal turismoko etxea ere dena. Hemen berriro errepidea hartuko dugu eta beherantz jota, pare bat kilometro pasatxo eginda, Herriguneko aparkalekura iritsiko gara.
Irazuazpikoa
5.2 km. Zearsortik behera gatozela, lehendabizi Irazugoikoaren albotik pasatuko gara. Gero Irazuazpiko baserrira iritsiko gara. Zizurkilen bi armarri ditugu: udaletxearen zintzilik dugun zaharra eta etxe honen ormetan ikus daitekeena, 1587koa.
Nekola baserria
6.2 km. Buztinbailaratik behera gatoz. Nekazal ingurua izanik, baserri mordoskaren albotik pasatuko gara. Daramagun bideak beste batekin bat egiten du Nekola baserriaren parean. Geure bideari jarraituz, azken kilometrotxoa eginda, laster iritsiko gara Herrigunera.
Comments (1)
You can add a comment or review this trail
I have followed this trail verified View more
Information
Easy to follow
Scenery
Easy
Muy bonito paseo. Mucha parte por asfalto pero sin circulación. A causa de las ultimas lluvias mucho barro por los caminos.