Jaizkibel, Erentzingo Zabala. Paramoudra ibilbidea

Etxean eta munduan zehar, daukagun paraje oso berezi eta bitxia den lekutik igarotzen da ibilbidea, Jaizkibeleko Erentzingo badiatik, erromatarrek portua bezela erabilitakoa. Ibilbidea itsas bera dagoela egiten bada hobe.

“Jaizkibel Amaharri” web orritik ateratako informazioa da ondoren datorrena:

“Paramoudrak, egitura bitxiak
Jaizkibelgo hareharrian paramoudra izeneko egitura bitxien munduko kontzentrazio handi eta ugariena topatu dute. Esferiko edo biribilduak dira, eta 2 eta 3 metro bertikal eta 8 metro horizontal izan ditzakete. Egiturok zeharkatzen dituzten 5 milimetro inguruko hodixka izaten dute barrenean. Eta hark, inoiz, beste egitura txikiago bat bere barnean, espikula izenekoa. Masa hauek oso agerikoak izan ohi dira hareharri estratuetan, izan ere hareharriak baino hobeto jasaten dute higadura.
Darabilgun hipotesiak dio sedimentazio garaian ornogabeek itsas hondoan galeriak zulatu zituztela. Zulaketa horiek sedimentua arroka bilakatu bitartean (diagenesia), urari bertatik zirkulatzen utzi zioten kanal bilakatu ziren. Urak, fluxu handietan, kuartzo-aleen disoluziotik sortutako silizea garraiatu zuen eta kanalaren inguruan barreiatu. Pixkanaka, silizio konkrezio edo nodulu handiak sortu ziren erdiko hodixkaren bueltan.

Nor gara
Jaizkibel Amaharri/Jaizkibel-Ulia 2016 ekimen zientifiko eta soziala da, eta natura ondareari dagokion balioa eman eta behar bezala babestea du helburu.

Jaizkibel eta Uliak eskualdeko jendeak ere ezagutzen ez dituen naturaren harribitxiak ezkutatzen dituzte. Nolabaiteko museo bizidun eta naturala dira; horregatik, komeni da ezagutzea eta, horren baitan, aintzat hartu, mantendu eta babestea.”

Gehiago: http://www.jaizkibelamaharri.org/

*Jaizkibel: Euskal Herria - Basque Country