Karrika (Oiartzun). Sorondo. Zaria. Bunaniarri. Oihanleku. Karrika. Ibilbide zirkularra.

Duela bi bat urte lagun batek erakutsi zidan inguru hau. Gaurkoarekin zazpigarren aldia da honera natorrena. Zorioneko gu, Donostitik hogei minutura, horrelako paraje ederrak gozatzeko aukera dugulako.
Gaurkoan autoa Karrika auzoan aparkatu dut Artaso izeneko frontoian. Bertatik, errekan gora eginez, hasi dut gaurko ibiklaldia. Nire trackeko 06 argazkian marka txuri horiak jarraitu daitezke, zubia gurutzatuz, edo, zubia gurutzatu gabe aurrera egin daiteke erreka ezkerrean dugula. Hau da; erlojuaren orratzen kontrako noranzkoan burutu dut ibilbide zirkular hau. Berdin-berdin egin daiteke alderantziz.
Bidea kanal zahar baten gainean doa basoaren abaroan modu nahiko erosoan. Ordu eskas batera Sorondo izeneko baserrira iritsi naiz. Hortik bide zabal eta eroso batean, marka zuri-horiei kasorik egin gabe, Otraitz izeneko bordara iritsi naiz. Hortik, Zariara bitartean, aldapa zertxobait tentetzen da baina ez gehiegi. Tarte honetan txilarren artean egiten dugu gora eguneko parterik zatarrenean. Tontorra antenaz josita dago. Ordu eta 55 minutu. Hortik aurrera gozamen hutsa da belardi leun eta gozoetan ibiltzea muinoetan gora egitea. Kauso (edo Kausoro?) aparkalekua pasa eta gero, Bunaniarrira. Aldapa zertxobait tentetu da baina ez sobera.
Tontor hortatik zuzenean jaitsi naiz Artikutzako errepidera inolako zailtasunik gabe. Errepidea gurutzatu eta bide zabal batean barrena Oihanlekuko atseden-lekura eta momumentu megalitikora iritsiko gara. Pinudi eder bat zeharkatu eta handik denbora batera berriz ere erreka zulora.
Wikiloc-ek 16,48 km markatu dit. Uste dut zertxobait gehiago izango dela, izan ere pare bat bider gelditu egin zait. Lau ordu eta erdi behar izan ditut ibilibidea burutzeko. Azkar ibili naiz, hortaz, lasai ibilita bost ordu eta erdi inguru beharko dira.
Zailtasunaren aldetik eratina bezala sailkatu dut