Kilómetro da Biodiversidade de Miraz
near Miraz, Galicia (España)
Viewed 26 times, downloaded 2 times
Trail photos
Itinerary description
O paseo é apto para tódolos públicos e os resultados desta análise están subidos á aplicación inaturalist, onde tamén calqueira observador poderá subir fotografías do que atope durante está ruta, colaborando así tamén co estudio.
Para isto basta con descargar a aplicación (INaturalist) no móbil, darse de alta ou entrar na mesma e facer e subir fotos coa ubicación durante a ruta. As fotos pasarán a formar parte de xeito inmediato do proxecto, co cal todos e todas estades contribuíndo ao estudo.
Este Kilómetro e o seu irmán de Paderne, en zona abandoada, forman parte do conxunto de proxectos desenvolvidos para celebrar o 25 aniversario da nosa Asociación, para os cales contamos coa financiación da área de Medio Rural da Deputación de Lugo.
Coa apertura destes dous kilómetros pretendemos dar a coñecer a grande biodiversidade do Courel, facer que todos e todas as que nos visitan a coñezan e participen no seu estudo e, cómo non, facer unha pequena análiso das consecuencias do abandono das actividades humanas para a biodiversidade dun territorio.
Este estudo continuará no tempo e todos e todas somos potenciais investigadores.
Waypoints
Escrita e afloramentos calcarios
Dende este punto temos unha visión panorámica da Devesa de Paderne e dos afloramentos calcarios das Calizas de Vegadeo característicos do Val do Río Pequeno.
Muros de Pedra Seca
O camiño tradicional polo que pasamos caracterízase por estar delimitado por muros de pedra seca, patrimonio inmaterial da Humanidade para a UNESCO. Estes muros, ademais de delimitar fincas e prados aínda hoxe cultivados e utilizados polos habitantes do territorio, dan cubillo a grande número de prantas ( fentos, hepáticas,...), insectos ou hérpetos.
Zona de transición
Aínda que o sendeiro está humanizado, en determinadas zonas, os prados e os castiñeiros conviven con bidueiros, pradairos ou abrairas que atopan nesta zona o hábitat ideal para desenvolverse.
Prado
Durante todo este camiño podemos observar prados aínda aproveitados polos habitantes para a sega e o pastoreo. Este tipo de hábitats, hoxe en desaparición na serra do Courel, son fundamentais para entender a paisaxe e a biodiversidade do noso territorio.
O Courel
O final do noso Kilómetro da biodiversidade de Miraz coincide cunha panorámica espectacular de gran parte do cordal principal da serra do Courel, con Formigueiros ( e a devesa da Rogueira) e Pía Paxaro ao fondo e, en primeira liña, á.dereita, o Castro de Brío, punto trascendental nunha das rutas de senderismo máis recoñecidas no noso territorio: a ruta do Río Pequeno.
Cruce e fin da ruta
Neste punto remata o noso Kilómetro da biodiversidade. Os que queiran investigar, poderán seguir paseando cara a un pequeno afloramento calcario próximo ou cara a un pequeno rego de auga. Pero, iso si: lembrando sempre que non se debe saír dos camiños e sendeiros tradicionais.
You can add a comment or review this trail
Comments