KONTRASTA-SAN KRISTOBAL-KAPITATE-SANTA TEODOSIA-KONTRASTA

Download

Trail photos

Photo ofKONTRASTA-SAN KRISTOBAL-KAPITATE-SANTA TEODOSIA-KONTRASTA

Author

Iñigo Ramirez de Okariz Telleria

6,318 410 4900

See more trails from this author

Trail stats

Distance: 10.21 mi
Elevation gain: 1,791 ft
Technical difficulty: Moderate
Elevation loss: 1,791 ft
Max elevation: 3,616 ft
TrailRank: 49
Min elevation: 2,521 ft
Trail type: Loop

Moving time: 3 hours 13 minutes
Time: 4 hours 14 minutes
Coordinates: 2740
Uploaded: August 5, 2023
Recorded: August 2023

Be the first to clap

near Kontrasta, País Vasco (España)

Viewed 18 times, downloaded 1 times

Trail photos

Itinerary description

Ibilbide zirkularra, Harana aldera begiratzen duen Entzia mendilerroaren ertzetik egingo dena. Desnibel handi gabekoa. Kontrastatik igoko da antenara eta San Kristobalera. Ondoren pagadia eta gainak jarraitzea da, Santa Teodosiaraino. Hemendik Kontrastara itzuliko gara, Alda eta Uribarri-Harana herrixketatik, eta Andramaria ermita xarmantatik pasatuz. Kontrastara iristerakoan, baina, Elizmendiko ermitara joko dugu, merezi du eta. Ibilbideak duen otopo bakarra da antenara eta San Kristobalera joateko bide zehatzik ez dagoela bigarren zatian, nahiz eta harripilak aurkitu han eta hemen. Beraz pazientziaz hartu, motza da eta. Ibilbidea behatoki aparta da Harana eremurako, bertako herrixkak eta gari soroak aurrez aurre ditugula.

Waypoints

KONTRASTA

Kontrasta Arabako ekialdeko herri eta kontzeju bat da, Haraneko udalerrikoa, Mendialdeko kuadrillakoa. 2005ean 88 biztanle zituen. Erdi Aroan berebiziko garrantzia izan zuen, Nafarroarekin mugakidea izanda. Hiribildua izan zen 1256. urtetik aurrera, urte hartan hiri-gutuna jaso baitzuen. Aurretik, gune honen izena Arana izan zen. Karlos II.a Nafarroakoak 1368an hiribildua konkistatu arren, 1377an Ruy Diaz de Rojasek Henrike II.a Gaztelakoarentzat berreskuratu zuen. Denbora luzez udalerri independentea izan ostean, 1942an Aldarekin eta Done Bikendi Haranarekin fusionatu zen, Harana udalerri berria sortzeko (Wikipediatik). Ibilera elizaren arkupetik pasata, kanposantutik hasiko gara, poliki-poliki antena aldera igotzen. Bidea hasieran pista bihurtuko da, pagadian sartzeko.

BIDEGURUTZEA

Harripilek adierazten digute nondik joan.

HARRIPILAK

Kontuz ibiliko gara zati honetan, izan ere ekarri dugun bidea laga eta pagaditik gora hasiko gara. Erreferentzia bezala harripilak erabili. Hala ere, berehala konturatuko gara bide zehatzik ez dagoela (ez da harripilarik). Dakigun bakarra da antena gainean dugula eta bertara joan behar garela. Pagoak eta batez ere ezpelak dira ugari behetik gora.

ANTENA

Behetik gora antzeman dugu antena non dagoen, eta itxitura baten gainetik pasatu ondoren iritsi gara antenara. Bertan antzematen da jarraituko dugun bidetzurra.

HARANA Lautada

Behatoki apartak daude goian. Gelditu eta disfrutatu!

ILARRATZA-SAN KRISTOBAL (1145)

Pagaditik gabiltza, ezker aldera Harana lautada dugula. Ikusmira ederra.

MENDI PISTA

San Kristobaletik behera pistarekin bate gigo dugu. Berau jarraituko dugu pare bat kilometro, "Puerto Nuevo"raino.

PUERTO NUEVO

Mendi pista laga eta pagadian sartuko gara berriro. Jarraitu beharreko bidetzurra argia da.

HARKAITZ ZULODUNA

Bidean bat egingo dugu harkaitz bitxi honekin.

KAPITATE (1121)

Azelakotxe behatokia den gain hau! Harana lautada bere osotasunean antzematen da. Ondoren bidetzurra jarraituko dugu.

SAN KRISTOBAL-KAPITATE

Gainez gain ari garen honetan pagadiek eskaintzen dizkiguten behatokiak aprobetxatu gabe ezin egon.

DONEBIKENDI ARANA

Beste behatoki eder bat.

TXANDI (1151)

Bidean buzoirik ez duen mendigain honekin topo egingo dugu.

SANTA TEODOSIA ERMITA

Dagoeneko aurrez aurre dugu Santa Teodosia ermita; baita izarrak begiratzeko mapa ere!

SANTA TEODOSIA

1. Santa Teodosiako lizarra Arabako Done Bikendi Harana herrian kokatuta dagoen aparteko zuhaitz sailkatua da. Guztira 23 metroko altuera duen lizar arrunt bat da, 13 zuhaitzez osatuta dagoen eta Santa Teodosia baseliza babesten duen lizardi bateko ale nabarmenena da. 2. Ermitaren egungo eraikina XVII. mende bukaerakoa dela dirudien arren, erreferentziarik zaharrenak XIV. mendekoak dira. Santa Teodosiako erromeria urtean bitan ospatzen da, Mendekoste Igandean (ekainaren 9aren inguruan) eta iraileko hirugarren igandean. Tradizio handia du eta inguruko herrietako bizilagunak joaten dira bertara. Santa Teodosia ingurua, larre menditarrez eta pagadi eder batez osatua, balio natural handiko eremua da, Europako Natura 2000 Sarearen barruan baitago, Entziako Kontserbazio Bereziko Eremuaren barruan. Ermitaren ondoan Erdi Aroko gurutzadura bat ikus daiteke, eta urrutixeago, ermitaren atzeko zelai batean, Santa Teodosia trikuharria. Tenpluaren inguruan jolastoki bat dago, mahaiak, iturria eta barbakoak dituena.

ITURRIA

Alde batera gelditzen den aisigunean dago iturria. Hemendik, asfaltatutako errepidera joango gara eta PR-A-66 seinaleak (txuriak eta horiak) jarraitzen hasiko gara.

BIDEGURUTZEA (ERNE!)

Ezker aldera PR A 66 seinaleak hartuko ditugu.

BIDEGURUTZEA

PR A 66 jarraitu.

ALDA (argazkia)

Bidetik zertxobait aldenduko gara Alda herrixkari argazkia ateratzeko, baina itzuliko gara etorritako bidera.

ALDA HERRIA

Alde batera lagako dugu Alda herria eta nekazariek gari soroetarako-eta erabiltzen dituzten bideak erabiliko ditugu hemendik aurrera.

ULIBARRI HARANA

Pistetatik Ulibarri herrira iritsiko gara, eta erdigunetik pasatuko gara Andramari ermitara joateko.

ANDRAMARI ERMITA

Andra Mari tenplua Uribarri Haranan (Harana, Araba) dagoen ermita erromaniko bat da, XII. mendekoa. XXI. mendean berriztua dago, inguruko zelai zaindu batean kokatzen da. Plano laukizuzena du, eta abside erdi-zirkularra. Erdi-puntuko arku baten bidezko sarrera du, hegoaldera ematen duena, eta arkibolta xakeztatu batekin apaindua dago. EAEko ondare kultural izendatuta dago 1997. urtetik (Wikipediatik). Kontrastara doan bidea jarraituko dugu pistatik aurrera.

BIDEGURUTZEA (SEINALEA)

2,4 kilometrora markatzen du Kontrasta.

KONTRASTA

Dagoeneko anztematen dugu Kontrasta herria; gure abiapuntua gertu dugu. Hala ere, Elizmendiko ermita bisitatzeko tartetxo bat ere hartuko dugu.

ELIZMENDIKO ERMITA

Kontrastako plazatik 200 bat metrora dago ermita. Ezin gara bisitatu gabe joan. Elizmendiko Andra Maria deitzen da Kontrastako herrian dagoen baseliza erromanikoa (Harana, Araba), X.XI. mende ingurukoa. Elizaren barrualdean XVIII. mendeko erretaula barrokoa dago eta buruan Andra Mariaren XVI. mendeko eskultura dauka. Alboetako erretaulak San Adrianen eta San Juanen omenezkoak dira. Baseliza arabar honen ezaugarririk aipagarriena bere hormetan aurkituko dugu, II. mendeko hilarri erromatarrak aurkituko baititugu bertan, euren idatzi eta apaingarriekin. X-XI. gizaldietan, baseliza eraiki zutenean, inguruko nekropoli erromatar batetik ekarri zituzten hainbat harri elizaren hormak eraikitzeko, tartean 20 hilarri inguru. 1000 urte geroago hilarriek elizaren hormetan jarraitzen dute, baina nekropolia ez da aurkitu oraindik (Wikipediatik).

Comments

You can add a comment or review this trail