La Múa dende Les Covayes (Sin carretera)

Les Covayes - Gusmián de Baxu - Gusmián de Riba - Navalucu - Les Cuerries - La LLosa - Rollamiu - Colláu Incosa - Picu La Múa - Colláu Incosa - Rollamiu - El Cayu - El Respeñu - Les Covayes.

Fixere esti percorríu el pasáu mes de payares y prestóme. L'inconveniente fueron los 2,66 km qu'hai de carretera dende Les Cuerries a Les Covayes. Nesta escursión, fecha en sentíu contrariu, cambié esti tramu carretera per un guapu camín, que casi en paralelu a l'anterior paséu, xunta Les Covayes con Les Curries.
Amás d'evitar la carretera ye de lo más guapo de tola caminata. Quiciabes los colores de la seronda que tovía se caltienen na viesca pela que pasa faen qu'esti senderu sea perprestosu y cuasi máxicu.
A lo meyor desaxero pero prestóme a esgaya. Pémeque paga la pena la escursíón y pa min ye la meyor manera de subir a La Múa. (Subí milenta veces y per milenta sitios distintos: Frainoquiso, El Pendón, Les Praeres, La Llama,...)

Pela carretera Pi-2 unos cien metros dempués de les últimes cases de Les Cobayes hai un ampliu ensanchamientu de la carretera, a mano izquierda, onde se pue dexar el coche. Xunto a una cuadra qu'hai a manzorga con direicción a Les Cuerries entama'l guapu camín per onde s'anicia'l paséu.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.