La Múa dende Muriosa nel GR AS 105

Muriosa nel GR AS 105 - Biforcos - La Muriosa - Los Escobios - Colláu Incosa - ¿Picu los Verdes)? - Picu Múa - Picu Ceriscu - Colláu Les Fontes - Carbayal - La LLama - El Caneyu - La Focella - Muriosa nel GR AS 105

Lo que llamo picu los Verdes ye la antecima oriental de La Múa. Tengo duldes de si será'l nome verdaderu. Hai una placa toa esferrunchada del GM Vízcares que lo pon.
Pémeque que ye una de les maneres guapes de subir y gociar de les guapes vistes que mos ofrecen estos modestos picos.
Lo que menos presta son los 2700 metros de pista pel GR AS 105. D'ellos 700 m son al dir y 2000 al venir.
Paezme especialmente guapu'l tramu d'unos dos kilómetros qu'hai dende La LLama hasta volver a salir a la pista que pasa pel mayáu d'El Caneyu y per una guapa viesca autóctona.
A Muriosa nel GR AS 105 pue llegase en coche dende Ponte Miera na carretera d'Infiestu a Casu.
A la vera un cargaderu de ganáu hai sitiu abondo p'aparcar.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.