La Teyera-El Cau-Picu Polio-El Cau-La Teyera

DATOS BÁSICOS:
Tiempu total = 3h 38 min
Tiempu d'ascensu = 1h 43 min
Tiempu de descensu = 1h 32 min
Desnivel = +539 m

DESCRIPCIÓN:
Pues dexase el coche na Teyera, xunto a la capilla-escuela. Comiénzase a patear en direición al Cau pola carretera. Empieza un lixeru ascensu hacia la izquierda atravesando el pueblu. Se enllaza con una pista tierra (recién desbrozá) y siguimos caminando. A ratos se pue ver el vieyu camín encacháu. Atoparemos una pista, xunto a una cuadra que baxa lixeramente. Esti tramu, ta relativamente más llenu de maleza, aunque pásase bien. Seguimos por ella y, un cachu más allá, en una curva a izquierdes, atopamos la Bocamina La Basconia. Superamos el zigzag y nel siguiente cruce, giramos a la derecha.

Seguimos pola pista, sin desvianos, sorteando munchos charcos y varios barrizales (llovió muncho los días anteriores). Esta pista pasa por baxo del Picu Espines y del Mayáu Porrín. Más allá, llevamos a una pequeña explaná, con un lletreru informativu del Pozu Polio y la explotación a cielu abiertu La Mozquita. Equí, garramos un senderu con brusca pendiente hacia La Cerecina y tiramos en direición al Picu Poliu (hay un cruce, aunque los dos llaos lleven al mesmu puntu).

Sin pérdida, bordeamos el Picu Polio pola derecha, con bastante sombra. Paxamos xunto a un hastial de una rampla picaores, y terminamos por llegar a un pequeñu máyau onde ta garramos la pista en zigzag que sube al Picu Polio. Dende riba, tenemos unes vistes perbones del Cordal de Turón, sierra L'Aramu, Peñamayor, los picos de San Isidro, Cotobello, L'Estorbín, Les Ubiñes, Uviéu....

Pa aforrar un poco camín y, aprovechando que habíen desbrozao pal Trail Sta Bárbara, nos tiramos abaxo en direición a La Cerecina, siguiendo el senderu en sin pérdida, metiéndonos nel bosque y, tras una zona muy xelá, empalmamos de nueu cola pista. Pasamos La Cerecina y garramos el senderu empináu hasta, nel pequeñu mayáu, coger la pista otra vez que nos lleva hasta enriba La Basconia. Llegamos a la cuadra y seguimos pola pista que nos lleva al Cau. Una vez ellí, pela carretera hasta La Teyera.