Larraitz-Saturdi-Abaltzisketa-Larraitz: Urtsubi errekaren goi-arroari bira

Ibilbide zirkularra: Larraitz auzoa-Larraitz erreka-Labaien erreka-Ernaritzaga-Urtsubi erreka-Saturdi-Urtsularre baserria-Arizbiurriaga baserria-Abaltzisketako Lizardi eta Erbeta baserriak-Bidaurre baserria-Larraitz.

Ibilbide hau Abaltzisketa eta Zaldibia herrien lurreetatik doa osorik Aralarko Parkearen Naturalaren barrutian. Larraitz auzotik abiatuta "Trail Estazioa 1. Auza Gaztelu" bidea jarraitzen du aurreneko 5 km inguru, Ausagazteluko ipar isurialdeko basoak zeharkatuz. Hasieran Gr 20 bidearekin batera doa. Trail bide hau Ernaitzaga goikoan dagoen langara doa eta handik Ausagaztelura.Track hau berriz Ernaitzaga baserrira jeisten da basoetatik langa pasatu gabe. Beherago Urtsubi errekaren zubia pasa eta Zaldibia-Larraitz errepidera iristen da berriro. Saturdira igo eta handik Urtsularre baserrira. Urtsularretik Arizbiurraga baserrira jetsi eta ondoren Gaintzako errepidera. Gaintzako errepidetik Abaltzisketako Lizardi eta Erbeta baserrietara jetsi. Larraitz errekaren zubia pasa eta gorantzo bidetik herrigunera urbiltzen da. Abaltzisketa ailegatu aurretik Bidaurre baserriko bidea jarraituz Larraitzera iristen da.

Orokorrean bide erosoak daude eta ibilbidearen jarraipena erraza da. Dudako puntu bakarra Ernaitzaga goikoan izan daiteke. Ausokoegiko bordetara doan pistara iristen da Ataka pasa gabe eskubira jo behar da, zuahaitz artean. Hasierako 300 m. edo nabarmen gutxiko bidezidor landaretsua dago pinu artean. Beherako bidea hobetuz doa gero.

PD: Larraitz eta Labaien errekeen inguruak hezetasun haundiko lekuak izaten dira beti. 2017ko Apirilaren hasiera hontan putzu eta lokatz guneak aurki nituen bidean. Ala ere nahiko eroso eta oinetakoak gehiegi zikindu gabe ibili nintzen.