LEGORRETA - TOLOSA
near San Migel, País Vasco (España)
Viewed 72 times, downloaded 2 times
Trail photos
Itinerary description
Legorretako tren geltokitik abiatuta 4 ordu inguruko ibilbide bat duzu hau.
Koateko auzotik barrena eta hainbat bidegurutze pasata "Itzaieta"ko tontorrera iritsiko gara. Zorionez tontor honetar erraz iritsi daiteke bidea garbi baitago.
Ez zitzaidan gauza bera gertatu ibilbidean aurrera joan ahala jarraian dauzkan "Arrasaetako tontorra " eta " Bizkarretako gaina"rekin. baso guztia erabat zikina bait zeuzkaten eta saiatu arren ez bainuen iristea lortu. Ez du saiatzerik merezi.
Santa Marinara daraman errepidera atera eta metro batzuetara, Salarriagako lepoan, eskuinera gora abiatzen den pista hartuko dugu. basoan gora joango gara "Jangoain" tontorrera iritsi arte.
Gero, Santutxutik Alkdabara doan pistara jaitsiko gara eta bertara iritsitakoan, Intxurre aldera abiatzen den pista jarraituko dugu. Pistan bide dezente egin eta gero, bapatean, gure eskuinera gora igoko den bidezidorra hartuko dugu. Bidezidorrak Intxurre tontorraren azpian utziko gaitu.
Basoan aurrera jarraituta, oso urruti joan gabe, lehenxeago utzia genuen pista hartuko dugu berriro eta Aldabamendira iritsiko gara.
Pista hori gero eta zabalagoa egingo zaigu eta Labarrekietan dauden antenen paretik aurrera porlanezkoa bihurtuk ozaigu. Horrela jarraitu behar dugu, pista utzi gabe, mendian gainez gain Miralekuko tontorrera iritsi arte.
Pistaz Aldaba Txikira jaitsiko gara. Aspaldi batean bazen Isastegi sagardoregiaren azpian abiatzen zen bidezidor bat eta Benta Haundi biden dagoen trenzubi azpira jaisten zena. gaur egun, bide hori itxia dago eta errepidez jetxi besterik ez daukagu.
Ni neroni beherago dagoen bihurgune batetik beherantz abiatzen den bidetik jaisten saiatu nintzen baina alferrikakoa izan zen.
Handik gutxira ezkerretara desbideratzen zen bidea hartu eta Bideaurreta baserri ondotik zertxobait laburtu nuen baina ia ez du merezi ere egiten. Pazientziaz errepidetik jetxi eta kitto!
Benta Haunditik Tolosara errepidearen albotik datorren espaloitik etorri nintzen.
Waypoints
02 - Eskuinera
Bidegorria utzi eta Petrinea baserrira daramagun bidea hartuko dugu. Deposituraino eramango gaitun pista jarraituko dugu. Ondoren, Sagasti eta belarditik barrena doan bidezidorretik Koroate auzoko baserrietara iritsiko gara.
03 - Koroate
Hemen auzoko errepidera aterako gara. Errepidea behera jarraituko dugu bihurgune itxi batean bidegurutzera iritsi arte.
04 - Bidegurutzea
Erditik gora doan pista hartuko dugu. Itzaieta mendiaren magaletik igotzen hasiko gara.
05 - EZKERRERA
06 - Ezkerretarara
Itzaieta mendiaren atzeko lepora aterako gara bidegurutze honetan. Tontorrera joateko ezkerretatik joko dugu.
07 - Ezkerretara tontorrera
Pistak bere horretan tontorreraino eramango gaituen arren, nik hori ez nekien eta pare honetan zuzen gora igo nintzen.
08 - ITZAIETA
516 metroko garaiera. Nik buzoirik ez nuen aurkitu. Poste geodesiko bakarrik.
12 - INTXURRE
743 m. Wikipediatik hartuta: Iruntxur (tokiko euskaran, Intxur edota Intxurre ahoskatua) Murumendiko mendilerroan dagoen Gipuzkoako mendi bat da. Iruntxurren Burdin Aroko gaztelu zahar edo herrixka baten aztarnak aurkitu dituzte. 2000ko uztailaren 18an, Eusko Jaurlaritzak monumentu-multzo izendatu zuen, Sailkatutako Kultura Ondasuna[2]. Iruntxurrekoa Bigarren Burdin Arokoa da. Gipuzkoan, gaur arte, horrelako beste sei baino ez dira aurkitu (Buruntza, Basagain, Murugain, Munoaundi, Murumendi eta Muru). Gainera, modu sistematikoan indusi den bakarra da (Basagain kenduta). Indusketari esker, ordura arte ia jorratu gabe zegoen arkeologia-eremu bat ikertzen hasi da. Bestalde, aro horretako arrastoak ondo kontserbatuta daudela egiaztatu da. Iruntxurreko gaztelu zahar edo kastroa Iruntxurreko gaztelu zaharra Albiztur eta Tolosa arteko mugan dago, ipar-ekialdetik hego-mendebaldera doan eta Aldaba eta Salubita errekak banatzen dituen mendi-lerro baten goialdean, Oria ibaiko arroaren eskuineko isurialdean. Ondasunaren oina Intxur eta Aldaba gainek osatzen duten mendi-lerroaren goialdean eta hego isurialdean dago. Bere garaiera 600 metrotatik 738 metrotara aldatzen da, hartzen dugun puntuaren arabera. Herrixkak, osotara, 10 ha inguru hartzen ditu. "Esparru/herrixka gotortu" honen ezaugarririk nabariena harresia da. Harresiak gunea inguratu eta mugatzen du, zirkulu erdiko eremu bat sortuta. Herrixka defendatzeko horma lodiak edo harresiak eraiki ziren. Horien lodiera aldakorra da: bi metro eta erdi leku batzuetan eta hiru metro beste batzuetan. Bere egituran hargin-horma paralelo bi sumatzen dira, eta bien arteko tartea zenbait materialez beteta dago (harriez, lurrez...). Harresien barruan herrixkako etxetxoen aztarnak daude. Industean ikusi denez, eraikin horiek nolabait laukiluze itxurako oina daukate. Hori guneko harri naturalean nabaritzen da, zimenduak egiteko harria moztean egindako aztarnetan. Herrixka eraikitzeko adoba eta egurra erabili ziren. Zutabeak desagertu dira, baina horiek zeuden zuloak gure egunetara iritsi dira. Eraikin bakoitzak bere sutondoa zeukan, suak gorritutako lurrak eta ikatz-hondakinek erakusten dutenez. Bestalde, harri naturalean beste zulo batzuk daude, mutur batean zirkulu-erdiko forma dutenak. Badirudi euria biltzeko erabiltzen zirela. Material arkeologikoak ikusita, eta karbono-14 analisiaren emaitzak kontuan izanda, lekua, kulturaren aldetik, Bigarren Burdin Arokoa da.
15 - MIRALEKU
569 m
17 - Tolosa
BIDEGORRIA
You can add a comment or review this trail
Comments