LEONGO IPAR-SORTALDEKO BASOAK ETA BAZTERRAK. Goi-Porma. Pardominoko basoa

Pardominoko basoa basoilarraren babeslekua da, bertan berreskuratu gura dabelako guztiz mehatxaturiko hegazti mitiko hori. Horregaitik baimena eskatu behar da, inprimaki bat bete eta emailez Riaño-Manpodreko parke naturalaren zuzendaritza batera bidalita. Basoilarra babestu eta berreskuratzeko ekimena txalotzeko modukoa da, jakina, eta horren ondorioz asko mugatzen dabe basoa ezagutzeko aukerea.

Arean be, baimenaz ikusten dan zatia txikia da, eta seguruenik ez politena ez interesgarriena. Holan, basoa pista batez zeharkatzen da, behera jasteko aldatsa izan ezik, han bidezidor batek baso-zati oso polit batean zehar eroango gozuz eta. Baso-zati hori mistoa da, pagoak eta haretxak nagusi.

Baimendutako aldean gehienbat haretxak dagoz, nahi-ta pago moltso batzuk eta otsalizarrak (ehiztarien serbala) be badagozan.

Guztira, osteratxu erraz, labur eta polita da, baina ahoa galarazotako aldea ikusteko irrikaz geratzen da.

Oharra: Kontuan hartu pista alderik alde zeharkatzen dauen arantzazko hesia izango dala goialde lauan ibili eta gero behera hasteko ikurra, baina ez dala hesia zeharkatu behar. Bertan, eskumatara jo behar da, ia bide barik, gisats artean, harik eta laster bidezidorra agertu arte. Taket-seinaleak be badagoz, ez beti behar diran tokian.


INGURUAN ZER IKUSI

RIAÑO-BOÑAR-LA VECILLA

BURÓN: Gómez de Caso-ren jauregia, XVII, errenazentista
RIAÑO: Santa Águeda eleizea, XVI.eko torrea, barruan, eskultura onak. Nuestra Señora del Rosario eleizea, La Puerta herritik ekarrita. Aurrekaldea XIII-XIV.eko erromanikoa, eta absidean pintura gotikoak daukaz, eta pintura-hondarrak eleizaren veste leku batzuetan. Zenbait eskultura gotiko dauka. Eleiza horren ondoa garaia (horreoa), Leongo estilokoa.
BOCA DE HUÉRGANO: Gaztelua.
CARANDE: sutegi edo arragoa. Eleizan dagoan kaliza eta erretaula errenazentista, eta XVI.eko Amar Birginaren irudia. Leongo estiloko garaia.
HORCADAS: XVI.eko eleizea.
LOIS: eleiza neoklasikoa, “Mendialdeko katedrala”.
BOÑAR: XIV.eko zubia
PUEBLA DE LILLO: torrea.
LA VECILLA: torrea.
NOCEDO DE CURUEÑO: urjauzia, Valdetejako arroila (hoces de Valdeteja)
OTERO DE CURUEÑO: Gaztelu-jauregia
LLAMAZARES: Coribos kobea (domeketan bisita gidatua ahal da)

CISTIERNATIK HEGOALDERA

MANSILLA DE LAS MULAS: herri harresitua
MANSILLA MAYOR: Monasterio de Santa María de Sandoval monastegia
VILLASABARIEGO: Lancia-ko erromatar hoondarrak
SANTA OLAJA DE ESLONZA: San Pedro de Eslonza monastegia. Cuevas Menudas eremitorioa
VILLARMÚN: XII.eko eleizea, San Miguel de Escalada, mozarabe-erromanikoa
GRADEFES: Monasterio de Santa María monastegia, zisterziensea.
VILLAPADIERNA: gaztelua
LA MATA DE MONTEAGUDO: Virgen de la Velilla santutegi errenazentista

CUATRO VALLES

VEGACERVERA: arroilak (hoces de Vegacervera)
VILLALFEIDE: eleizea eta Erdi Aroko zubia, galtzada (“erromatar”) baten gainean
FELMÍN: Valporqueroko kobea (ezinbestekoa)
MANZANEDA DE TORIO: santutegia, XV, hodar erremonakinoak
CANSECO: torrea
HUERGAS DE GORDÓN: Buen Suceso santutegia, XVIII-XIX, XVII.eko erretaula polikronatua
LA VID DE GORDÓN: torrea
ARBAS DEL PUERTO (Busdongo): Santa María de Arbas kolegiata erromanikoa