Les Foces del Pendón d'otra manera

La Era (Piloñeta) - La H.uente (Piloñeta) - Molín de Pra - Pista Les Praeres - Camín de Vocarral - El Pozacu - La Foguerá - Pista Les Praeres - Les Alcantarielles - Porciles - Revuelta'l Raposín - Siguir per pista Les Praeres hasta'l camín Entesierres (Esvíu manzorga) - Entesierres - Senderu de Les Praeres al Mayáu Pastor - Mayáu Pastor- Colláu La Canal - La Canal - Ponte Pendón - Les Meceures - Foces - Los Fornos- H.uensanta - La Ferrería - El Rebollar - La Retuerta (Piloñeta) - La Era (Piloñeta).
Ye un privilexu pa Nava tener un monte como Peñamayor y un entornu del mesmu per onde se puen facer prestoses caminates.
Un exemplu ye'l clásicu percorríu de Les Foces del Pendón. Sin repitir el mesmu camín hai múltiples variantes que van descubrimos nuevos y guapos requexos pa gociar patiando per esti conceyu.
Al ser un percorríu circular pue entamase y finalizar en cualquier llugar del paséu. H.uensanta, el Molín de Pra, Piloñeta,...son bones opciones.

(Anque toes son de la ruta, munches de les semeyes nun se correspuenden colos llugares de los waypoints).

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.