Lesende-Rios Vilacoba e San Xusto.

Comments  (1)

• 
  CHUSCHUS May 24, 2022

  Ruta espectacular. Case toda ela, agás o último kilómetro, percorre espacios naturais asombrosos, sempre por sendeiros, fragas, montes e corredoiras. A maior parte dela comparte o roteiro da ruta dos "Ríos Vilacoba e San Xusto" polo que é doado seguila atendendo a sua señalización como sendeiro local, bandas brancas e azuis, até chegar ao km. 9,5 onde abandoamos a devandita ruta e tomamaos a estrada de chapapote que nos leva de volta a aldea de Lesende, punto de inicio da ruta.
  Comezamos na aldea de Lesende, na sua fonte, e por unha belida corredoira axiña nos achegamos ao río Vilacoba. Un sendeiro de pescadores a carón do río asombraranos coa beleza impresionante das suas ribeiras e vexetación. Camiñar escoitando o son da sua auga fai do lugar un entorno de paz e soedade impresionante.
  Deixamos o río Vilacoba e nos adentramos en ascenso por outras tantas belidas correodoiras até chegar case ao cumio do monte Culou. Dende alí descendemos e atopamos o río San Xusto, onde repetimos o entorno de paz e soedade escoitando nosos pasos e o son das suas augas. A Fervenza de San Xusto e a de Toxosoutos despois amosaranos currunchos do río espectaculare, para seguir augas abaixo e atopar os muíños e a Igrexa e Mosteiro de San Xusto, éste último adicado a hosteleria.
  Río abaixo chegaremos a estrada de chapapote comentada antes e por ela ao punto de partida.
  A destaque: Os sendeiros dos ríos Vilacoba e San Xusto, Ponte Medieval no río Vilacoba, Fervenzas de San Xusto e Toxosoutos, Igrexa e Mosteiro de Toxosoutos, pero sobor de todo o son das augas de ambolos dous ríos.
  A ruta e doada de camiñar pero debemos por especial precaución polos sendeiros de pescadores de ambolos dous ríos, máxime se choveu, xa que as raices e pedras a carón da auga fanse moi esbaradizas co consecuente risco de caidas.
  Bon camiño.

You can add a comment or review this trail