Levadas do río Tea

As levadas son as que hai no lugar de Alén e máis a que está ao final da ruta, xa preto de Maceira. Entre as dúas suman aproximadamente 1,5 Km. de recorrido.
O punto de arranque está na praza de Barcia de Mera e comezamos dirixíndonos a igrexa de San Martiño e súa casa reitoral con unha espectacular fachada, ambas as dúas en estilo barroco e con vistas ao val do río Alén.
Volvemos ao centro de Barcia de Mera e baixamos ata a praia fluvial no río Caraño, tocando despois andar uns 300 m. por asfalto e desviándonos a esquerda ao chegar a altura dunha área de lecer, pasando por o lugar de Mera.
Pronto alcanzamos a primeira das levadas, a que transcorre por Alén, Xa andamos metidos nunha fraga e con fentos ao redor. Chegando a tubaxe dunha central eléctrica, subimos pola súa traza, atravesando un piñeiral e logo de ver o pequeno encoro do salto hidroeléctrico, baixamos para vadear o río Tea polos pasos de Louredo. Poldras xa gastadas de tantas personas que as pisaron no pasado ao ir de Barcia de Mera a Lourido, onde atopamos unha ermida e un cruceiro.
Espéranos o treito final: a levada que hai preto de Maceira que nos primeiros metros está entubada e logo comeza a parte máis fermosa do noso percorrido. A auga corre ao carón das nosas botas nunha canle que acompañamos con certo coidado para non esvarar. A fraga que nos circunda é dunha gran exuberencia, con salgueiros, amieiros, freixos, bidueiros, aveleiras, loureiros e carballos e con fentos e carrizas que tapizan as pedras, dando testemuña do contorno húmido que nos envolve.
Ao chegar ao fín da levada tendremos que desandar o camiño feito e non sinalizado, de xeito que é aconsellable o uso de GPS.