Lizarbakarra / Hernialde erreka

14 MAR 2021 08:48

Aspalditik nuen erreka ondotik ahalik eta bide gehiena egiteko gogoa, eta egoskorkeri horrekin abiatu naiz gaur goizean.

Bideak ez du zailtasun berezirik, kontu ibili behar den arren, STOP izeneko waikpointa bitarte, bidezidorra ondo zapaldua baitago. Punturen batean edo bestean eroritako zuhaitzek sortutako eragozpenak, besterik ez.

15. puntutik 18. puntu bitarteko bidea oso konplikatua izan da. 16raino erreka bertatik joan naiz, konplikazio piska bat zuelarik, gehien bat aldapaz gain, zuhaitzak ere erorita baitzeuden.

16 puntuan errekatik atera naiz eta oso pikoa den aldapa bati heldu behar izan diot. Euria ari zuenez, gainera, zorua irristakorra zegoen eta ez zait batere erraza egin, 17. puntura lehenik, eta gero 18 puntura iristea. Zorua lehorra egonda ere, kontu pixka batekin egin beharreko tartea da hau.

18. puntutik aurrera, aldapa handia izan arren, belarretan igo naizenez, errazagoa egin zait. Pazientzia kontua zailtasunekoa baino. Bide guztia tankera honetakoa izan da Hernialdetik Mendikutera doan bidearekin ( 21 ) topo egin arte.

21. puntuan zuzenean Lizarbakarrera igotzen saiatu naiz baino, alde batetik nekatuta egonda eta bestetik, bidea batere argi ikusten ez nuenez ( bustia, irristakorra,... ), bide zabaletik jarraitzea erabaki det eta Lizarbakar tontorrera iristeko buelta luzexeagoa egitea.

Hortik aurrera, euriak eta lokatzak sortu lezazkeenaz gain, bideak ez du inolako zailtasun berezirik.

Beraz, agian STOP ipintzen duen punturaino egitea ere nahikoa izan daiteke.