Lizartza,Axurdario,Urkieta-Musaio-Basabe-Aranako erreka.Lizartza
near Iturralde, País Vasco (España)
Viewed 165 times, downloaded 4 times
Trail photos
Itinerary description
Ibilbide hau Igor Gonzalezek egindakoaren jarraipena da baina bere deskribapen bikainari ñabardura batzuk erantsi nahi dizkiot. Autoa Lizartzako parkinean utzita Orexako errepidea hartu eta metro batzuk egin eta gero eskuinera hartu dugu. Behin bizkarrera iritsita Axurdarioko tontorrera iritsi gara (hori aurkitu nahian gora eta behera ibili gara, horregatik horrenbeste atzera-aurrerak). Inguruan trikuharria dago. Hortik berriro atzera egin eta Urkieta aldera jo dugu inolako eragozpenik gabe. Behin Urkietako azken maldara hurbilduta azken haizeteek erauzitako pagoen azpitik-aldamenetik pasa behar izan dugu. Azkeneko aldapa hau pikoa da eta bertigoa dutenentzat konplikatua izan daiteke. Talaia honetatik ikusmira ezin ederragoa da, Aralarko Mailoen ikuspegi zabal eta zirraragarria. Jaitsieran kontu piska bat izan behar da baina ez dut uste inor izutzeko modukoa denik. Musaion buzoia dago. Pagadiaren erdian dagoenez ez dago paisai zabalik ikusteko aukerarik baina hamaiketakoa egiteko leku aparta da. Merkuko lepora jaitsi eta hortik sakonera sartu gara. Berriz ere bidean eroritako pago baten azpitik pasa behar izan dugu. Jaitsiera oso pikoa eta luzea da. Bustia edo lokaztua egonez gero tentu handiz jaitsi beharrekoa. Behin hondora iritsita, primeran. Hala ere erreka hazita dator eta kontu handiz pasa gurutzatu behar izan dugu birritan. Bukatzeko, Igor Gonzalezen trackean, errepidearekin bat egiten duen puntuan (berak fin carretera Orexa-Basabe jartzen du) bere ibilbidean jarraituz buelta eman behar izan dugu bidea guztiz ibilgaitza delako (guztiz lokaztuta eta sasiz beteta). Hortaz azken bi-hiru kilometroak errepidez egin behar izan ditugu. Nik zailatasun mailari "zaila" jarri diot (orain 30 urte ez nukeen horrelakorik egingo baina nire 65kin ba horrela sailkatuko dut)
Waypoints
You can add a comment or review this trail
Comments