MERINDADEETAKO BASOAK. Las Pisas Quintanabaldotik San Cibrian eta Argomendon zehar

Las Pisas —pagadia eta urjauzia— Villabásconesko altxorra, ezagutu beharreko toki ezin ederragoa da, Itzela, eta horregaitik, zoritxarrez, jente larregigaz topo egiteko arriskua be badago. Jakina, zoragarria ez eze, bidea erraz demasa da, Villabásconetik hasita laburra (3,5km joan-etorria) eta desnibel eskasa (126m). Urjauzia udan ur barik egon leiteke, baina inguruko errekak beti eukitzen dabe ura. Ur barik badago be, ingurua zoragarria izango da.

Ibilbide honetan, barriz, bidea luzatuko dogu eta desnibela gehituko, ez larregi. Horrela ibilbide arruntagoa jadetsiko (lortu) dogu, luzeran eta desnibelean, eta gozamena be luzatuko dogu, gehituko dogunak be merezi dau-eta, oso polita, nahi-ta ez izan Las Pisas baizen zoragarria.

Jakina, lekua beti oso polita izan arren, sasoirik onenak, udabarria eta udagoiena dira, bakotxak bere saria daukala, udabarriak ura —eta opari ordainezina da—, udagoienak kolorea.

Ohartxua: Urjauzira jasteko aukera bi daukaguz, bata erosoagoa, bide zabala, bestea bide malkartxuagoa, erreka ertzeko bidexka, baina ez gaitza. Ibilbide honetan malkartxuaren alde egin dogu, baina seinale bat ipini dot (waitpointa) bide erosoa gurago badozu non ez zaran desbideratu behar jakiteko.

Zirkularra egiten badozu, azken zatia trenbidearen bide berdetik egiten da.


ZER IKUSI
ESPINOSA DE LOS MONTEROS, SOTOSCUEVA, VALDEPORRES, VALDEBEZANA MERINDADEETAN

BERCEDO
Eleiza erromanikoa

ESPINOSA
Errenazimenduko eleiza, jauregiak

CUEVA
Ojo Guareña monumentu naturala

QUISICEDO
Herriko etxe ederrak

VILLABÁSCONES DE SOTOSCUEVA
Félix-ko nekropolia, 25 hilobi harrian zulatuak, X.mendekoak

ROBREDO DE LAS PUEBLAS
Harentx handi bi

BUSNELA
Trikuharria (ez dago guztiz argi ete dan)

VIRTUS
Porres sendiaren gaztelua

CORCONTE
Bainuetxea

SAN VICENTE DE VILLAMEZÁN
Baldebezanako erromanikorik onena

PUENTEDEY
Ibaia eta harrizko zubi naturala

QUINTANILLA DE VALDEBODRES
Las canales de Dulla

LEVA
Inguru natural oso interesgarria geologiagaitik eta basotxu ederrak

NELA-BRIZUELA
Kastroa

ESCAÑO
Eleiza erromanikoa

HOZ DE ARREBA
S. Juan, gotikoa, El Piscarciano kobea

PRADILLA DE HOZ DE ARREBA
Santa Juliana (platereskoa), Nuestra señora Virgen del Camino (gotikoa)
MUNILLA
Las Palancas arroila, Hilobi antropomorfak, Eleiza erromanikoa