Miradoiro da Terra Cha. PR-G155 ( Outeiro de Rei)
near Francos, Galicia (España)
Viewed 66 times, downloaded 0 times
Trail photos
Itinerary description
Nós seguimos un track que a poucos metros da saída nos mandaba por unha pista á dereita pero en cambio os sinais mandaban seguir de frente. Continuamos de frente e, ao pouco, o percorrido que facía o track uníase ao que seguíamos. É dicir, pódese facer collendo esa pista á dereita dando unha pequena volta para ver unhas casas " solariegas" ou seguir de frente por onde mandan os sinais.
O caso é que fixándose en paneis que hai ao longo da ruta, o percorrido oficial vai dando esa volta mencionada.
Pensamos que os sinais son anteriores aos paneis.
Pasamos pola fermoso e sorprendente lugar de Pena de Rodas, na parroquia de Gaioso, onde destacan dous bolos graníticos gigantescos e que semella que fosen caer dun momento a outro.Aquí hai tamén unha área recreativa moi ben acondicionada.
Despois, nunha suave ascensión, chegamos ao Miradoiro de Paraños con boas vistas sobre Outeiro de Rei e varias das súas parroquias, Lugo, e moito máis aló vemos ata Os Ancares.
A partires de aquí descendemos pasando polas aldeas de Susavila e Francos e chegando ao punto de partida. Chegando xa a Francos atopamos un pequeno tramo do camiño totalmente inundado e polo que era imposible pasar sen mollarnos case ata os xeonllos polo que optamos por dar unha pequena volta por uns prados ( foron só uns metros) e xa retomamos a ruta na área recreativa de Frrancos.
Comentar que é unha ruta fácil de realizar e aínda que se pasa por varias carballeiras, tamén hai pistas onde predominan os eucaliptos.
Waypoints
Penas de Rodas
Destacan aquí dous enormes bolos graníticos cunha área recreativa ao pé ben acondicionada, nun entorno moi fermoso. Sobre a súa orixe, hai quen asegura que a súa formación é aleatoria e que hai millóns de anos o magma fundido elevouse das profundidades e ao sair enfríouse rapidamente formando estas rochas. Despois, durante millóns de anos, o vento e a auga erosionarían formando esta marabilla. Outros opinan que pola similitude das rochas, o seu emplazamento, a orientación...sería obra artificial do home e trataríase dun enorme calendario solar ou un santuario pagano. Existe unha lenda moi extendida que di que unha das rochas está chea de ouro e outra de alcatrán. Quen descubra a de ouro, farase rico e se rompe a outra encherase de alcatrán.
Waypoint
You can add a comment or review this trail
Comments