Molín de Pra - P.R.AS-198. 'RUTA DE LA RIBERA DEL RIO PEÑA' y Foces del Pendón (A la mio manera).

Molín de Pra - P.R.AS-198. "RUTA DE LA RIBERA DEL RIO PEÑA" - Les Mesties - La Cipresta - La Cabañina - Ponte'l Bayu - Camín a Grátila - Esvíu izquierda a Pista Grátila/Campanal - Esvíu derecha a Grátila - Cauvilla - Piloñeta - Capiella San Antonio (Piloñeta) - Llosa La Ibesa - Ovín - La Ferrería - Fonte la Vegona - H.uentesanta - Los Fornos - Foces del Pendón - Les Meceures - Ponte Pendón - Camín La Canal - Mayáu Pastor - Tabléu - La Vallorita - Esvíu izquierda polo que foi una preciosa viesca - Vocarral - Pista Les Praeres - Molín de Pra.

Al mio mou de ver, la primera parte'l percorríu, ye lo que debía ser el PR AS - 198. Nel kilómetru 2,3 abandonamos l'itinerariu marcáu pa cambiar 600 m de pista por un km de camín a traviés d'una guapa viesca autóctona. Ye dicir, dexamos lo que menos presta a los senderistes avezaos, les pistes o carreteres, pa cambialo por un tipu de camín que-y gusta a casi tola xente. Imaxínome que, anque yo nun lo entienda, sos razones tendríen los que diseñaren el trazáu oficial.
Col PR AS-45 (Foces del Pendón) pasa dalgo asemeyao. Nun entiendo que tando tan cerca'l palaciu La Ferrería non propusieren un percorríu alternativu que pasare per esti edificiu que paga la pena ver. (Amás, como nun se tomen midides, pémeque vamos ser la penúltima xeneración que gocie con esta emblematica construcción naveta. (Como ta pasando col palaciu La Cogolla, l'amenaza de ruina ye inminente.)

L'entamu y el final pémeque tuvo bien pensáu. De toes formes al ser circular caún pue empezar y acabar onde-y seya más cómodo.
N'iviernu o en temporaes d'agua ye fácil atopase con dalguna zona con barrru.

Entrugo: ¿Los nuesos senderos, los nuesos edificios más representativos, les nueses viesques, otros montes axacentes a Peñamayor, la llingua, los nuesos paisaxes tremaos de columnones que sostienen cables de la lletricidá y tantes otres coses nun merecen la mesma atención que la sidra o Les Praeres?

(Anque toes son de la ruta, munches de les semeyes nun se correspuenden colos llugares de los waypoints).

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.