[Montañas de Trevinca] Ruta de ascenso ós picos Pena Trevinca, Pena Negra e Pena Surbia desde A Cabrita

Para chegar ó inicio da ruta, a altura do Hotel Peña Trevinca, hai que coller unha pista de terra e grava durante 2 ou 3 kilómetros. A pista é transitable sen dificultade para calquer tipo de vehículo. Aparcamos na entrada a unha canteira.
A ruta comenza cruzando a propia canteira para continuar en ascenso por unha pista de terra ata o Alto da Cabrita. Neste alto hai un desvío á dereita para ir hacia o Teixadal de Casaio. Continuamos sin desviarnos pola pista. En pouco máis de 1 kilómetro chegaremos á Campa de Genciana e posteriormente continuando sen desvíos ata o Collado Portillo de Puertas. Ata aquí poderíase decir q vai o camiño de aproximación ata a parte máis espectacular da ruta.
Neste punto iniciaremos un recorrido circular que tras pasar polo val donde nace o río Tera, Pena Trevinca, Pena Negra e Pena Surbia nos devolverá ó mesmo punto.
O collado sitúase entre Pena Surbia e a Cota 2002 ou Pico Puertas. Este pico deixámolo á nosa esquerda no sentido da marcha. É un pico cunha bonita estampa con vexetación baixa nas súas ladeiras e cuberto na parte superior por unha especie de "casco" rochoso.
Bordeando as estribacións de Pena Surbia, pouco a pouco nos imos acercando ó Val do Tera. Ao lonxe vese como se elevan maxestuosos sobre o val, Pena Trevinva, Pena Negra e o cordal que os une e que continúa ata Pena Surbia. O sendeiro xa é máis estreito pero séguese sen dificultade. Entrando no val, un cartel anúncianos que falta unha hora e media de marcha para chegar a Pena Trevinca. Desde esta vertente a imaxe do cordal é moito máis bonito e espectacular que facendo a ruta desde Ponte. Máis adiante, xa ós pes das montañas, encontramos as fontes donde nace o río Tera. Hai varios puntos donde se ven as burbullas e se escoita o son da auga saindo a borbotóns. É un bo sitio para aproveitar a encher de auga as botellas antes de iniciar a subida hacia Pena Trevinca.
Tras un pequeno descanso iniciamos unha esixente subida que serpentea ata chegar ó collado entre Pena Trevinca e Pena Negra. Unha vez no collado dirixímonos á esquerda hacia Pena Trevinca. Queda sólo un pequeno repeito para chegar á cima. Alí encontramos unha gran cruz caída e un buzón de montaña, pero sobre todo unhas vistas espectaculares hacia o Val do Tera. Coincidimos con un grupo que viña desde Ponte e unha parella que chegou desde a Laguna de los Peces. Como sempre, curioso o cruce de camiños que se improvisa na cima das montañas. Hora de bocadillo e despois dunhas fotos baixamos polo mesmo camiño de subida ata o punto de acceso ó collado. Desde ahí dirixímonos a Pena Negra. A subida faise cómodamente ata unha precima. Por diante unha pequena vaguada e xusto enfrente aparece a cima do Pena Negra. Particularmente gustoume moito este punto pola forma armoniosa en forma de hongo da cima e polas vistas maxestuosas hacia os vales a esquerda e dereita. Estéticamente quizás o punto máis bonito da ruta. A subida desde aquí a cima é breve e non presenta dificultade.
Todo cambia ó sobrepasar a cima. Hai que extremar as precaucións para crestear desde en dirección a Pena Surbia. Ten algún paso bastante aéreo pero ademais a morfoloxía plana e con forte pendente da rocha fai que haxa que prestar moita atención a donde se poñen os pes. Nalgún punto tivemos que axurdanos das mans para avanzar con seguridade. Con auga, esta zona creo que sería moi perigosa. A caída hacia a esqueda é vertixinosa, e hacia o Val do Tera presenta a dificultade mencionada. En calquer caso, con tempo seco e tendo cuidado é un paso moi entretido e con vistas espectaculares hacia as duas vertentes.
Pouco a pouco disminúe a dificultade e baixando pola cresta chegamos ó collado que hai entre Pena Negra e Pena Surbia. Temos agora por diante unha corta pero esixente subida ata a cima de Pena Surbia. A subida faise sen ningunha dificultade técnica pero acometendo unha forte pendente e o paso dalgún pequeno canchal. Na cima, de novo unhas vistas impresionantes; como nos veñen acompañando todo o camiño desde a cima de Pena Trevinca. Agora temos que baixar para enlazar co sendeiro no collado Portillo de Puertas. Para baixar non atopamos sendeiro definido e baixamos monte a través pero sen ningunha dificultade xa que a vexetación é moi baixa. Finalmente chegamos ó collado co Pico Puertas diante de nos e completamos un círculo realmente bonito, espectacular e divertido. Desde o collado volvemos polo mesmo camiño ata o inicio da ruta.

IMPORTANTE: A dificultade califiqueina como moderada polo cresteo despois do Pena Negra. Incluso creo que sería difícil se o tempo non é seco.

(Distancia e desnivel + en Garmin GPSMAP 67: 18,30 km / 831 m)