Monte Faro de Avión e nacemento do río Tea
near Prado, Galicia (España)
Viewed 434 times, downloaded 6 times
Trail photos
Itinerary description
Saída do lugar Cende, parroquia de San Salvador de Prado, (Covelo). Iniciamos o roteiro baixando cara á área recreativa de Fondo dá Vila e dirixirnos cara a unha pista que nos leva a Serra do Faro de Avión. A pista comeza suave, pero ao pouco iniciamos a ascensión da xornada, cun desnivel de máis de 400 metros en dous quilómetros e medio. Tras cruzar un valado para o gando, achegámonos aos primeiros muíños eólicos, que enchen toda a zona máis elevada da Serra (e das Serras veciñas). Chegamos a “Boca dos Acevedos”, onde collemos o camiño para descender ata o regato da Cabana, cruzalo e ascender de novo, para evitar durante un bo anaco a pista do parque eólico. Xa estamos a beira do Faro de Avión (1.150 m) e ao seu lado o novo miradoiro de “Castelo do Faro”. Polas pistas do parque chegamos ao Coto da Pia (1.153 m). Iniciando xa un suave descenso ata chegar as brañas que sinala nun monólito o nacemento do Río Tea. Seguimos o descenso ata a Capela de Xestosa e segimos en baixada ata “A Chaira”. Logo dun tramo entre monte raso e piñeiral chegamos a carretara que seguimos durante un km. Nos desviarnos cara ao “carreiro das estrelas” e achegarnos ao río Tea para ver a ponte romana de Abuiña, os pasos de Xameans e a fervenza de Perrellos. Xa no tramo final do percorrido pasamos a beira dunha serie de muiños en bo estado de conservación.
Waypoints
You can add a comment or review this trail
Comments