[Montes de León] Ruta de ascenso ó pico Teleno desde o Llano de las Ovejas

Iniciamos a ruta no Llano de las Ovejas seguindo un track do usuario de wikiloc "Montaña y Corazón".Como sempre, perfectamente explicado e sinalizado.
O Llano de las Ovejas está situado ó pé do cerro Coballos e pasa por él a carretera LE-5228. Ó lado da calzada hai sitio para deixar varios coches. Xa desde a zona de aparcamento vese ao lonxe o Teleno. Pronto abandonamos a carretera para iniciar un sendeiro que enseguida nos leva ó Coballo Pequeno. Seguindo a senda entramos nun camiño máis ancho que descende seguindo o valado que separa os concellos de Lucillo e Truchas. Sen ningunha dificultadepasamos o Alto del Palo e chegamos ó Collado del Palo.
A partir de aquí, o camiño empézase a complicar un pouco debido a aparición de pequenos cancháis. En principio non hai moito problema porque o sendeiro serpentea entre eles sinalizado por algún hito. Ó pé dos Riscos do Sestil podemos escoller entre seguir pola esquerda ou pola dereita. Pola esquerda, seguiríamos o camiño pegados ós riscos e pola dereita seguiríamos pola falda da Pasada de Mascariel. O camiño da dereita é moito máis facil; por un sendeiro sinalizado con hitos chegaríamos directamente ó Collado de Mascariel ó pé do Teleno. Sin embargo o camiño da esquerda segue un enorme canchal de pedras grandes donde tras sobrepasar os Riscos do Sestil se chega ó pico Sestil.
Decidimos seguir o camiño feito por Montaña y Corazón e escollemos o canchal.
O avance aquí é moito máis dificultoso e hai que ir con cuidado e paciencia sobre grandes pedras, moitas veces inestables. A recompensa é o paso polo pico Sestil. Desde él temos unha vista espectacular da cara noroeste do Teleno. Descendemos pola senda cimeira ata o Collado de Mascariel. Nel encontramos un cartel sinalizando a distancia ó Teleno (1,5 km) e ó Coballo Grande (6 km). Continuamos de frente por un camiño ben definido que vai hacia o pico pero pronto temos que decidir de novo entre esquerda e dereita. Pola esquerda súbese de forma cómoda pola ladeira e pola dereita temos de novo un enorme canchal que chega ata a cima.
De novo imitamos a Montaña y Corazón e adentrámonos no canchal. É un continuo exercicio de equilibrismo en subida e durante unha distancia considerable. A nos resultounos divertido pola novidade pero hai que extremar as precaucións e de novo avanzar con paciencia. Polo canchal accedemos directamente á cima do Teleno. Alí as vistas son espectaculares mires hacia donde mires.
Para o descenso seguimos o camiño con hitos da ladeira que mencionamos anteriormente. Desviámonos un pouco para asomarnos a unha arista rocosa desde a que temos unha vista impresionante sobre o val glaciar. Con moito cuidado debido á forte pendente en caída nesta zona baixamos un pouco ata encontrar un bo "asiento" donde repor forzas e comer un bocadillo. O sitio é impresionante; parece que te precipitas ladeira abaixo hacia a "hoya".
Despois incorporámonos de novo ó sendeiro descendente pola ladeira ata chegar de novo ó Collado de Mascariel. Continuamos pola opción descartada na ida seguindo o sendeiro marcado con hitos pola falda da Pasada de Mascariel. Sobrepasados os Riscos do Sestil enlazamos co camiño de ida que xa non abandonaremos ata chegar ó Coballo Pequeno. Alí, en vez de seguir directamente hacia o coche, collemos a bifurcación que conduce hacia o Coballo Grande. Pronto alcanzamos o collado entre os dous Coballos e alí empeza a ascender suavemente o sendeiro ata chegar a unha precima que ten un gran hito. Desde ahí, as vistas son maravillosas. O Coballo Grande que desde a carretera pola que iniciamos a ruta parecía algo insulso, por esta vertente presenta unha ladeira escarpada que asoma á "hoya" cunhas formas espectaculares.
Chegados a este punto, vimos que se intuía un camiño que cruzaba esta ladeira entre rocas ata o outro extremo do Coballo Grande. Decidimos seguilo pero cando xa levábamos máis da metade do recorrido a cousa púxose seria. O "camiño" avanza lonxitudinalmente por unha ladeira de gran pendente chea de pizarra solta donde é fácil esvarar incluso co terreo seco. Chega un momento no que tamén hai que circular moi pegado a un precipicio polo lado dereito. Esta suma de factores fíxonos dar volta porque nos pareceu moi perigoso. Volvemos a precima que fai de mirador e desde alí continuamos sin problemas ata a cima do Coballo Grande polo sendeiro marcado no track. Desde a cima e despóis dun pequeno tramo monte a través enlazamos cun sendeiro que nos levou directamente a carretera e o lugar de inicio da ruta.
Persoalmente gustoume moito a ruta e destacaría tres puntos importantes: o avance durante largos tramos polos cancháis, a incursión pola canle en baixada que conduce hacia a "hoya" delimitada polos picos Teleno e Sestil e o intento fallido de cruzar a vertente escarpada do Coballo Grande.
Moitas grazas a Montaña y Corazón polo seu track e as explicacións detalladas.

IMPORTANTE: A dificultade califiqueina como moderada polo avance por largos traxectos a través dos canchais e polo descenso con moita pendente pola canle que vai hacia a "hoya" baixo o Teleno e o Sestil. Non tiven en conta o intento de pasar a vertente escarpada do Coballo Grande (con este paso a dificultade sería máis elevada e perigosa).

(Distancia e desnivel + en Garmin GPSMAP 67: 16,07 km / 679 m)