Muros-Lariño-Muros

Recomendación: mellor non facela no verán, porque trancorre principalmente por pistas de terra descubertas e podes ficar torrado polo sol.
As vistas da ria de Muros-Noia (por unha beira) e de Carnota ata Fisterre (pola outra beira) son espectaculares.
Vexetación: Eucaliptos, piñeiros, xestas e toxos.
Fauna: algún cabalo/egua e algunha vaca/touro. Por suposto, os cans de palleiro máis ou menos agresivos.
Hai bastantes fontes ben visibles durante o camiño. Pódese beber delas porque son de auga da traída.
Empregamos como base o camiño "Muros - Lariño - as Forcadas - Muros ( carreiros.es )", pero non fomos quen de cruzar o Rego de Lariño por onde nos marcaba (o paso estaba totalmente inaccesible por toxos e xestas). Así que buscamos e atopamos outro paso. Hai que ir un pouco a monte pero non é complicado chegar ao rego. O paso do rego é por pedras un pouco esvaradías, pero creo que pode estar operativo todo o ano: o rego non leva moita auga. No track están xa corrixidas todas as voltas que demos.
Fixemos o camiño no sentido das agullas do reloxio. A subida é moito máis suave e podes chegar perfectamente para comer no waypoint "Fonte e area recreativa", que ten unhas vistas fantásticas da praia de Carnota e de Fisterra no fondo. Merece a pena.
A baixa dende As forcadas ata Muros iníciase por un cortalumes, así que é bastante incómoda. Pero rapidamente se chega a un terreo máis chan e cómodo. Por isto tamén propoño facer o camiño no sentido das agullas do reloxio: se o fas en sentido contrario hai que subir polo cortalumes ata As forcadas no inicio mesmo da camiñada, e semella duro de máis.