Necrópole de San Cibrao (A Bola)

Esta ruta ten como meta acadar o punto cúmio do concello de A Bola, situado no Monte de San Cibrao, cunha altitude de 914 m.
Comezamos o percorrido na parroquia de Pardavedra, no lugar de Rañadoiro, donde veremos os antigos fornos de pan. Seguimos cara a Pardavedra, pasando polo seu cruceiro, casa reitoral e igrexa de Santiago e antes de chegar a O Pazo con súa eira de hórreos, atopámonos coa pequena capela de San Xosé, en estado ruinoso.
Deixamos atrás os lugares de Casanova e Vilar e en moderado ascenso chegamos ao cúmio do Monte San Cibrao. Aquí, ademais da súa área de lecer e impresionantes vistas panorámicas sobor de as Terras de Celanova, atoparémonos cun lugar de devoción desde tempos moi antigos, dados os diferentes vestixios prehistóricos atopados neste lugar: unha necrópole da idade de bronce, diversas mámoas e dolmens con seus ortostatos.
Hoxe en día aínda se mantén ese caracter espiritual e existe unha ermida adicada a San Cibrao á que acoden en romaría as xentes da comarca o derradeiro domingo de Agosto. Os fieis pasan aos nenos por debaixo do altar para previlos do mal do "tangaraño". Veremos tamén un cimeterio donde reposan os restos dun antigo ermitaño e o penedo do templo pagano.
Para baixar, podemos facelo polo mesmo camiño da subida ou ben, logo de atravesar unha carballeira, pasar por a aldea de San Pedro con súa capela e por unha antiga corredoira algo atrancada por xestas, chegar de novo entre carballeiras e soutos a Vilar, Casanova, O Pazo, Pardevedra, Barrio e, de novo no punto de arranque, en Rañadoiro.