Oiartzungo mairubaratzak 2
near Gurutze, País Vasco (España)
Viewed 546 times, downloaded 11 times
Trail photos
Itinerary description
Atzera egin eta errepidez egingo ditugu zenbait pauso lehen aipatutako Pikoketa aldera doan kaminotik. Gorrinzulo Zaharraren ondotik gora ekingo diogu bideari eta Baltzaitzeko muinora heldu. Jaitsi eta Urkullu Txiki Egira joango gara.
Gurutzerako bidean berriro, Guardiko Lepotik pasa behar dugu. Hau da azkenengo mairubaratza. Aipagarria lepo honetatik dagoen ikusmira. Bertatik bertara daude Hondarribia, Hendaia, Jaizkibel. Urrutixeago Donostia aldea.
Berriro Ameztoietara jaitsi gara eta etorritako bidetik egin beharrean, errepidez kilometro bat inguru eginez, Babiloniatik pasa gara, 1936ko guda ostean preso hartutako hainbat gudari egon ziren hor kanpalekuan behartutako lanak egiten (Trabajadoreak izenekoak. Gaur egun ez dago garai bateko barrakoirik), eta hortik argindar zentralaren ondotik eskuinera hartuta, Gurutzera jaitsi gara berriro.
Oharra: Ibilbide hau ordu erdi edo hiru ordu laurden gutxiagotan egin daiteke. Eguraldi ederra zegoen eta kamomila biltzen aritu ginen
Waypoints
Ameztoieta aldera
Ameztoieta baserria
Gurutzetik abiatutako bideak honaino ekarri gaitu, Pikoketara eta Ingelesaren gaztelura doan errepidera.
Egiar
Aurretik aipatu dugun moduan, mairubaratz multzorik ederrena da hau inolako dudarik gabe.
Estazio megalitikoa
Egiarrera joan aurretiko informazioa dago jarrita. Zikinduta daude panelak pinturarekin. Hori egin duen majaderoak hobe zukeen Egiarko mairubaratzei begira egin balitz bost minutu.
Guardiko lepoa
Azkeneko mairubaratza. Oso politak dira bertatik ikusten diren paisaiak.
Eskubira
Eskuinera hartzeko gunean karobia dago. Garai batean baserrian erabiltzeko (etxea margotzeko, lurrarentzat...) karea egiten zen. Kareharriak pilatu, su eman eta desegin egiten ziren eta utzitako hauts zuria erabiltzen zen.
You can add a comment or review this trail
Comments