Oimbra, ruta polos lagares rupestres
near Oimbra, Galicia (España)
Viewed 365 times, downloaded 23 times
Trail photos
Itinerary description
Rutiña pola beira do val de Monterrei, no concello de Oímbra. O elemento máis sorprendente son as trazas dos lagares alto-medievais (según din) escavados na rocha. Comeza xunto á igrexa, aínda que non é un lugar moi recomendable porque non hai moito lugar para estacionar. O templo xa resulta curioso por estar encaixado na ladeira, cunha parte semienterrada... Comezada en estilo románico, tén modificacións posteriores.
Logo de subir a uns penedos, mirador natural sobre a contorna, ascende por un camiño para logo xirar á dereita por unha devasa por debaixo dunha liña eléctrica e dirixirse cara o lagar e adega soterrá das Barrocas. Para visitala, consultar no concello de Oímbra. É moi interesante e está restaurada. (Desbotar o treito de falso sinal).
O percorrido, volvendo un pequeno treito sobre os propios pasos, encamíñase logo cara o val do Rosal onde hai novas viñas ben coidadas e, neste momento, cunha fermosa colleita de uvas. Este tramo non coincide coa ruta oficial que está sinalizada.
Onde está marcado, atravesamos por unha viña, e á fronte xa atopamos o primeiro lagar rupestre, o do Pinal. Sucesivamente atoparemos outros, que están sinalizados e máis ou menos limpos. Logo de subir un montiño aínda toparemos outros lagares, sendo especialmente destacado o Xan Preto, que está musealizado cunha reconstrución ideal (tristemente saqueada: roubáronlle o fuso...). Non deixar de mirar o cartel explicativo que dá informacións interesantes para comprender a existencia destas construcións.
Unicamente queda un pequeno treito para rematar a camiñada.
Practicamente todo o recorrido se fai por camiños de terra.
Seguramente a mellor época para andar esta ruta sexa xa entrado o outono coa folla das viñas en vistosas cores. Igualmente o é estando o froito maduro, coma neste caso, pois sempre se pode coller algunha uva DAS VIÑAS ABANDOADAS, ou pavías do chan se é ano delas...
Aínda que a distancia non é excesiva si que pode resultar algo dura para persoas pouco preparadas polas costas. Para quen teña unha mínima preparación, é unha ruta doada.
Logo de subir a uns penedos, mirador natural sobre a contorna, ascende por un camiño para logo xirar á dereita por unha devasa por debaixo dunha liña eléctrica e dirixirse cara o lagar e adega soterrá das Barrocas. Para visitala, consultar no concello de Oímbra. É moi interesante e está restaurada. (Desbotar o treito de falso sinal).
O percorrido, volvendo un pequeno treito sobre os propios pasos, encamíñase logo cara o val do Rosal onde hai novas viñas ben coidadas e, neste momento, cunha fermosa colleita de uvas. Este tramo non coincide coa ruta oficial que está sinalizada.
Onde está marcado, atravesamos por unha viña, e á fronte xa atopamos o primeiro lagar rupestre, o do Pinal. Sucesivamente atoparemos outros, que están sinalizados e máis ou menos limpos. Logo de subir un montiño aínda toparemos outros lagares, sendo especialmente destacado o Xan Preto, que está musealizado cunha reconstrución ideal (tristemente saqueada: roubáronlle o fuso...). Non deixar de mirar o cartel explicativo que dá informacións interesantes para comprender a existencia destas construcións.
Unicamente queda un pequeno treito para rematar a camiñada.
Practicamente todo o recorrido se fai por camiños de terra.
Seguramente a mellor época para andar esta ruta sexa xa entrado o outono coa folla das viñas en vistosas cores. Igualmente o é estando o froito maduro, coma neste caso, pois sempre se pode coller algunha uva DAS VIÑAS ABANDOADAS, ou pavías do chan se é ano delas...
Aínda que a distancia non é excesiva si que pode resultar algo dura para persoas pouco preparadas polas costas. Para quen teña unha mínima preparación, é unha ruta doada.
Waypoints
Intersection
1,475 ft
Dereita
De non querer subir pola devasa, pódese seguir polo camiño e xirar logo. Será menos custoso...
You can add a comment or review this trail
Comments