OÑATI-BIOZKORNIA-ALOÑA-OÑATI
near Olakoa, País Vasco (España)
Viewed 93 times, downloaded 13 times
Trail photos
Itinerary description
Waypoints
SAN MARTIN (MURGIA AUZOA)
Bertan aparkatuko dugu kotxea, eta bat egingo dugu GR 289 ibilbidearen seinaleekin. Ura hartzeko iturria ere bertan dugu. Gure ibilbidearen gainak (Aloñaren harkaitzak) ikus daitezke bertatik. 1000 metroko desnibela dugu, zain!!
ASENTZIO ERMITA
Lehendabiziko kilometroak, bertako baserriak zeharkatuz, asfaltuzkoak eta porlanezkoak izango dira.
BIDEGURUTZEA
Bidegurutzeak ere ondo markatuta daude. Mendi pistetatik gora jarraituko dugu.
BIDEGURUTZEA
Esan bezala, bideak ondo markatuta daude. Pagadietatik gora, bideak ere erosoak dira. Han eta hemen sakabanatuta dauden txabolekin ere bat egingo dugu.
BIDEGURUTZEA
Konturatuko gara mendiko pista hauek 4x4 diren kotxeentzat ere egokituta badaudela.
BIDEGURUTZEA
Oñatitik dakargun bideak bat egiten du Legazpi eta Barrendiolatik datorren GR 283/286 bidearekin. Hemendik aurrera ere pista jarraituko dugu, garai bateko Kataberako meatokiarekin bat egin arte.
KATABERA
1055 metroko altueran dago. Bere historia XIX. mendearen amaieran hasten da. Real Compañía Asturiana de Minas enpresak meategia ustiatzeko beharrezko baimenak mugatu eta lortu zituen. Zinka eta neurri txikiagoan beruna ateratzea zen kontua. Ale fineko blenda, kalaminak eta galena atera zituzten. Lursailaren malkartsua zela eta, 1893an Compañía Asturiana de Minas enpresak 3100 metroko aireko kable bat jarri zuen minerala 540 metro jaisteko Udanako gaineraino, Legazpi eta Oñati arteko errepidean. Hortik atera zitekeen jada minerala gurdietan, tratamendu-plantetara eraman arte. Meategiaren ekoizpena ez zen oso garrantzitsua izan, eta, ondorioz, ez zen beharrezkoa meatzaritzako trenbide bat eraikitzea. Meatzeak 1935ean amaitu zuen ustiapena, zainak agortu zitzaizkiolako.
BIOZKORNIA LEPOA
Hemen, Urbiara eta Aizgorri aldera doazen bideak laga eta eskumara hartuko dugu, Aloña gainetara, Arkaitz, Botreaitz eta Gorgomendira. Bidean seinale horiak topatuko ditugu. Gaur bezala, behe laino eguna, beharrezkoak.
AKAITZ (1304)
Zeharkaldiko lehendabiziko gaina izango da. Gaina hartuta behera joko dugu, ia 100 metroko desnibela galduz, ondoren Botreaitzera igotzeko.
BOTREAITZ (1319)
Botreaitz, Butreaitz, Putreaitz... gainera igotzeko galdutako desnibela igo behar izaten da. Kontuz ibili hainbat tokitan, harkaitz zorrotzak daudelako. Hemendik Gorgomendira edo Aloña gainera joango gara.
ALOÑA-GORGOMENDI (1246)
Behe lainoa dugu eta ez dugu baztarrak ikusteko aukerarik izango. Hurrengo etapa Aloñaren jatsiera izango da, Belar izeneko zelai ederretatik pasatuz.
BELAR (OHARRA)
Zorte ona dugu. Aralarren eta Aizgorrin ugatza dabil, eta Aloña du gustuko, baina horrek hainbat jarduera mugatzen du.
ITXITURA ATEA
Dagoeneko Belar atzean laga dugu eta Uribarri auzoan sartu gara, pista jarraituz zeharkatuko duguna. Hleburua Berezao auzora joatea da, horretarako mendi pistak erabiliz.
BEREZAO AUZOA
Asfaltatutako errepidea, behera. Dagoeneko Berezao auzoarekin bat egin dugu. Laster Santa Lutzia ermitarekin topo egingo dugu.
BEREZAO AUZOA
Eta Santa Lutzia ermita eta parketik Murgia auzora bideratuko gara, asfaltatutako bidea jarraituz. Gertu dugu ibilbidearen bukaera.
MURGIA AUZOA
Bidean hasierako bidearekin ere bat egingo dugu: GR 289. Gertu dugu San Martingo parkea eta aparkalekua.
You can add a comment or review this trail
Comments